1 Chronicles 18

¹ and he settide kniytis in Damask, that Sirie also schulde serue hym, and brynge yiftis. And the Lord helpide hym in alle thingis to whiche he yede. ² And Dauid took goldun arowe caasis, whiche the seruauntis of Adadezer hadden, and he brouyte tho in to Jerusalem; ³ also and of Thebath and of Chum, the citees of Adadezer, he took ful myche of bras, wherof Salomon made the brasun see, that is, waischynge vessel, and pileris, and brasun vessels. 4 And whanne Thou, kyng of Emath, hadde herd this thing, that is, that Dauid hadde smyte al the oost of Adadezer, kyng of Soba, ⁵ he sente Aduram, his sone, to Dauid the kyng, for to axe of hym pees, and for to thanke hym, for he hadde ouercome and hadde smyte Adadezer; for whi king Adadezer was aduersarie of Thou. ⁶ But also kyng Dauid halewide to the Lord alle the vessels of gold, and of siluer, and of bras; and the siluer, and the gold, which the kyng hadde take of alle folkis, as wel of Idumee and Moab, and of the sones of Amon, as of Filisteis and Amalech. ⁷ Forsothe Abisai, the sone of Saruye, smoot Edom in the valei of salt pittis, ten and eiyte thousynde. 8 And he settide strong hold in Edom, that Ydumei schulde serue Dauid. And the Lord sauide Dauid in alle thingis, to whiche he yede. 9 Therfor Dauid regnede on al Israel, and dide doom and riytwisnesse to al his puple. 10 Forsothe Joab, the sone of Saruye, was on the oost; and Josaphat, the sone of Ayluth, was chaunceler; ¹¹ forsothe Sadoch, the sone of Achitob, and Achymalech, the sone of Abyathar, weren preestis; and Susa was scribe; ¹² and Banaye, the sone of Joiada, was on the legiouns Cerethi and Phelethi; sotheli the sones of Dauid weren the firste at the hond of the kyng. ¹⁴ Forsothe it bifelde, that Naas, kyng of the sones of Amon, diede, and his sone regnyde for him. ¹⁵ And Dauid seide, Y schal do mercy with Anoon, the sone of Naas; for his fadir yaf merci to me. And Dauid sente messageris, to coumforte hym on the deeth of his fadir. And whanne thei weren comen in to the lond of the sones of Amon, ¹⁶ for to coumforte Anon, the princes of the sones of Amon seiden to Anon, In hap thou gessist, that Dauid for cause of onour in to thi fadir sente men, that schulden coumforte thee; and thou perseyuest not, that hise seruauntis ben comen to thee to aspie, and enquere, and seche thi lond. ¹⁷ Therfor Anoon made ballid and schauyde the children of Dauid, and kittide the cootis of hem fro the buttokis of hem til to the feet; and lefte hem.