1 Corinthians 13

¹ it is not coueytouse, it sekith not tho thingis that ben hise owne, it is not stirid to wraththe, it thenkith not yuel, ² it ioyeth not on wickidnesse, but it ioieth togidere to treuthe; ³ it suffrith alle thingis, it bileueth alle thingis, it hopith alle thingis, it susteyneth alle thingis. ⁴ Charite fallith neuere doun, whether prophecies schulen be voidid, ethir langagis schulen ceesse, ethir science schal be distried. ⁵ For a parti we knowun, and a parti we prophecien; ⁶ but whanne that schal come that is parfit, that thing that is of parti schal be auoidid. ⁷ Whanne Y was a litil child, Y spak as a litil child, Y vndurstood as a litil child, Y thouyte as a litil child; but whanne Y was maad a man, Y auoidide tho thingis that weren of a litil child. ⁸ And we seen now bi a myrour in derknesse, but thanne face to face; now Y knowe of parti, but thanne Y schal knowe, as Y am knowun. ⁹ And now dwellen feith, hope, and charite, these thre; but the most of these is charite. ¹¹ Sue ye charite, loue ye spiritual thingis, but more that ye prophecien. ¹² And he that spekith in tunge, spekith not to men, but to God; for no man herith. But the spirit spekith mysteries. ¹³ For he that prophecieth, spekith to men to edificacioun, and monestyng, and coumfortyng.