1 Samuel 5

¹ Sotheli men of Azotus sien siche a veniaunce, and seiden, The arke of God of Israel dwelle not at vs; for his hond is hard on vs, and on Dagon oure god. ² And thei senten, and gaderiden alle the wise men, ether princes, of Filisteis to hem, and seiden, What schulen we do of the arke of God of Israel? And men of Geth answeriden, The arke of God of Israel be led aboute; and thei ledden aboute the arke of God of Israel. ³ Forsothe while thei ledden it aboute, the hond of the Lord of ful greet sleyng was maad on alle citees; and he smoot men of ech citee fro a litil man til to the more, and the lowere entraylis of hem wexiden rotun, and camen forth; and men of Geth token counsel, and maden to hem seetis of skynnes, ethir cuyschuns.</span> <span class="verse" data-verse="4"><sup>4</sup> Therfor thei senten the arke of the Lord in to Accoron. And whanne the arke of the Lord hadde come in to Accoron, men of Accoron crieden, and seiden, Thei han brought to vs the arke of God of Israel, that he sle vs and oure puple.</span> <span class="verse" data-verse="5"><sup>5</sup> Therfor thei senten, and gaderiden alle the wise men, ethir princes, of Filisteis; whiche seiden, Delyuere ye the arke of God of Israel, and turne it ayen in to his place, and sle not vs with oure puple. ⁶ For dreed of deeth was maad in alle citees, and the hond of the Lord was greuouse greetli. Also the men, that weren not deed, weren smytun in the priuy part of buttokis, and the yelling of ech citee stiede in to heuene.</span> <span class="verse" data-verse="8"><sup>8</sup> Therfor the arke of the Lord was in the cuntrei of Filisteis bi seuene monethis;</span> <span class="verse" data-verse="9"><sup>9</sup> and aftir these thingis Filisteis clepiden preestis and false dyuynours, and seiden, What schulen we do of the arke of God? Shewe ye to vs, hou we schulen sende it in to his place.</span> <span class="verse" data-verse="10"><sup>10</sup> Whiche seiden, If ye senden ayen the arke of God of Israel, nyle ye delyuere it voide, but yelde ye to hym that, that ye owen for synne; and thanne ye schulen be heelid, and ye schulen wite, whi his hond goith not awei fro you. ¹¹ And thei seiden, What is it, that we owen to yelde to hym for trespas? ¹² And thei answeriden to hem, Bi the noumbre of prouynces of Filisteis ye schulen make fyue goldun ersis, and fyue goldun myis; for o veniaunce was to alle you and to youre `wise men, ether princes. And ye schulen make the licnesse of youre ersis, and the licnesse of myis that distriede youre lond; and ye schulen yyue glorie to God of Israel, if in hap he withdrawe his hond fro you, and fro youre goddis, and fro youre lond.