1 Thessalonians 2

¹ nether of you, ² nether of othere, whanne we, as Cristis apostlis, miyten haue be in charge to you. But we weren maad litle in the myddil of you, as if a nursche fostre hir sones; ³ so we desiringe you with greet loue, wolden haue bitake to you, not oneli the gospel of God, but also oure lyues, for ye ben maad most dereworthe to vs. ⁴ For, britheren, ye ben myndeful of oure trauel and werynesse; we worchiden nyyt and day, that we schulden not greue ony of you, and prechiden to you the euangelie of God. ⁵ God and ye ben witnessis, hou holili, and iustli, and with outen pleynt, we weren to you that bileueden. ⁶ As ye witen, hou we preyeden you, and coumfortiden ech of you, as the fadir hise sones, ⁷ and we han witnessid, that ye schulden go worthili to God, that clepide you in to his kingdom and glorie. ⁸ Therfor we doon thankingis to God with outen ceessyng. For whanne ye hadden take of vs the word of the heryng of God, ye token it not as the word of men, but as it is verili, the word of God, that worchith in you that han bileued. ⁹ For, britheren, ye ben maad foleweris of the chirchis of God, that ben in Jude, in Crist Jhesu, for ye han suffrid the same thingis of youre euene lynagis, as thei of the Jewis. ¹⁰ Whiche slowen bothe the Lord Jhesu and the profetis, and pursueden vs, and thei plesen not to God, and thei ben aduersaries to alle men; ¹¹ forbedinge vs to speke to hethene men, that thei be maad saaf, that thei fille her synnes euere more; for the wraththe of God cam on hem in to the ende. ¹² And, britheren, we desolat fro you for a tyme, bi mouth and in biholding, but not in herte, han hiyed more plenteuousli to se youre face with greet desir. ¹³ For we wolden come to you, yhe, Y Poul, onys and eftsoone, but Sathanas lettide vs. ¹⁴ For whi what is oure hope, or ioye, or coroun of glorie? Whether ye ben not bifore oure Lord Jhesu Crist in his comyng? ¹⁵ For ye ben oure glorie and ioye. ¹⁷ For which thing we suffriden no lengere, and it pleside to vs to dwelle aloone at Atenys; ¹⁸ and we senten Tymothe, oure brother, and mynystre of God in the euangelie of Crist, to you to be confermyd, and to be tauyt for youre feith, ¹⁹ that no man be mouyd in these tribulaciouns. For ye silf witen, that in this this thing we ben set. ²⁰ For whanne we weren at you, we biforseiden to you, that we schulden suffre tribulaciouns; as it is don, and ye witen.