1 Thessalonians 3

¹ But now, whanne Tymothe schal come to vs fro you, and telle to vs youre feith and charite, and that ye han good mynde of vs, euere desyringe to se vs, as we also you; ² therfor, britheren, we ben coumfortid in you, in al oure nede and tribulacioun, bi youre feith. ³ For now we lyuen, if ye stonden in the Lord. ⁴ For what doyng of thankingis moun we yelde to God for you, in al ioye, in which we ioyen for you bifor oure Lord? ⁵ nyyt and dai more plenteuousli preiynge, that we se youre face, and fulfille tho thingis that failen to youre feith. ⁶ But God hym silf and oure fadir, and the Lord Jhesu Crist, dresse oure weye to you. ⁷ And the Lord multiplie you, and make youre charite to be plenteuouse of ech to othere, and in to alle men, as also we in you; ⁸ that youre hertis ben confermyd with outen pleynt in holynesse, bifor God and oure fadir, in the comyng of oure Lord Jhesu Crist with alle hise seyntis. Amen. ¹⁰ Therfor, britheren, fro hennus forward we preien you, and bisechen in the Lord Jhesu, that as ye han resseyued of vs, hou it bihoueth you to go and to plese God, so walke ye, that ye abounde the more. ¹¹ For ye witen what comaundementis Y haue youun to you bi the Lord Jhesu. ¹² For this is the wille of God, youre holynesse, that ye absteyne you fro fornycacioun. ¹³ That ech of you kunne welde his vessel in holynesse, and onour;