1 Timothy 2

¹ that yaf him silf redempcioun for alle men. Whos witnessing is confermyd in his tymes; ² in which Y am set a prechour and an apostle. For Y seye treuthe, and Y lie not, that am a techere of hethene men in feith and in treuthe. ³ Therfor Y wole, that men preye in al place, liftinge vp clene hondis with outen wraththe and strijf. ⁴ Also wymmen in couenable abite, with schamefastnesse and sobrenesse araiynge hem silf, not in writhun heeris, ethir in gold, ethir peerlis, ethir preciouse cloth; but that that bicometh wymmen, ⁵ biheetinge pite bi good werkis. ⁶ A womman lerne in silence, with al subieccioun. ⁷ But Y suffre not a womman to teche, nether to haue lordschip on the hosebonde, but to be in silence. ⁸ For Adam was first formed, aftirward Eue; ⁹ and Adam was not disseyued, but the womman was disseyued, in breking of the lawe. ¹⁰ But sche schal be sauyd bi generacioun of children, if sche dwellith perfitli in feith, and loue, and hoolynesse, with sobrenesse. ¹² A feithful word. If ony man desirith a bishopriche, he desirith a good werk. ¹³ Therfor it bihoueth a byschop to be with out repreef, the hosebonde of o wijf, sobre, prudent, chast, vertewous, holdinge hospitalite, a techere; ¹⁴ not youun myche to wyn, not a smytere, but temperat, not ful of chiding, not coueitouse, wel reulinge his hous, ¹⁵ and haue sones suget with al chastite;