2 Chronicles 15

¹ but be ye coumfortid, and youre hondis be not slakid; for mede schal be to youre werk. ² And whanne Asa hadde herd this thing, that is, the wordis and profesye of Asarie, the sone of Obed, the profete, he was coumfortid, and he dide a wei alle the idols fro al the lond of Juda and of Beniamyn, and fro the citees whiche he hadde take of the hil of Effraym. And he halewide the auter of the Lord, that was bifor the porche of the hows of the Lord. ³ And he gaderide togidere al Juda and Beniamyn, and with hem the comelyngis of Effraym, and of Manasses, and of Symeon; for manye of Israel, seynge that his Lord God was with hym, fledden ouer to hym. ⁴ And whanne thei hadden comun in to Jerusalem, in the thridde monethe, in the fiftenthe yeer of the rewme of Asa, ⁵ thei offriden to the Lord in that dai, bothe of the spuylis and of the prey, which thei hadden brouyt, seuene hundrid oxis, and seuene thousynde wetheris. 6 And Asa entride bi custom to make strong the boond of pees, that thei schulden seke the Lord God of her fadris in al her herte, and in al her soule. 7 Sotheli he seide, If ony man sekith not the Lord God of Israel, die he, fro the leeste til to the mooste, fro man til to womman. 8 And alle that weren in Juda sworen with cursyng to the Lord, with greet vois, in hertli song, and in sown of trumpe, and in sown of clariouns; 9 for thei sworen in al her herte, and in al the wille thei souyten hym, and founden hym; and the Lord yaf to hem reste bi cumpas. 10 But also he puttide doun Maacha, the modir of Asa the kyng, fro the streit empire, for sche hadde made in a wode the symylacre, ether licnesse, of a mannus yerde; and he al to-brak al that symylacre, and pownede it in to gobetis, and brente it in the stronde of Cedron. 11 But hiy places weren left in Israel; netheles the herte of Asa was riytful in alle hise daies. 12 And he brouyte in to the hows of the Lord tho thingis that his fadir avowide, siluer and gold, and dyuerse purtenaunce of vessels; 13 sotheli batel was not til to the threttithe yeer of the rewme of Asa. ¹⁵ Forsothe in the sixe and thrittithe yeer of his rewme Baasa, the kyng of Israel, stiede in to Juda, and cumpasside Rama with a wal, that no man of the rewme of Asa myyte go out ether entre sikirli. ¹⁶ Sotheli Asa brouyte forth gold and siluer fro the tresours of the hows of the Lord, and fro the kyngis tresouris; and sente to Benadab, kyng of Sirie, that dwellide in Damask, ¹⁷ and seide, Boond of pees is bitwixe me and thee, and my fadir and thi fadir hadden acordyng; wherfor Y sente to thee siluer and gold, that whanne thou hast broke the boond of pees, which thou hast with Baasa, king of Israel, thou make hym to go awei fro me. ¹⁸ And whanne this was foundun, Benadab sente princes of hise oostis to the citees of Israel, whiche smytiden Ahion, and Dan, and Abelmaym, and alle the wallid citees of Neptalym. ¹⁹ And whanne Baasa hadde herd this, he ceesside to bilde Rama, and left his werk.