2 Chronicles 33

¹ Also he settide a grauun signe and a yotun signe in the hows of the Lord, of which hows God spak to Dauid, and to Salomon, his sone, and seide, Y schal sette my name with outen ende in this hows and in Jerusalem, which Y chees of alle the lynagis of Israel; ² and Y schal not make the foot of Israel to moue fro the lond which Y yaf to her fadris, so oneli if thei kepen to do tho thingis whiche Y comaundide to hem, and al the lawe, and cerymonyes, and domes, bi the hond of Moises. ³ Therfor Manasses disseyuede Juda, and the dwelleris of Jerusalem, that thei diden yuel, more than alle hethene men, whiche the Lord hadde distriede fro the face of the sones of Israel. ⁴ And the Lord spak to hym, and to his puple; and thei nolden take heed. ⁵ Therfor the Lord brouyte on hem the princes of the oost of the kyng of Assiriens; and thei token Manasses, and bounden hym with chaynes, and stockis, and ledden hym in to Babiloyne. ⁶ And aftir that he was angwischid, he preiede his Lord God, and dide penaunce gretli bifor the God of hise fadris. 7 And he preiede God, and bisechide ententifli; and God herde his preier, and brouyte hym ayen in to Jerusalem in to his rewme; and Manasses knew, that the Lord hym silf is God. ⁸ Aftir these thingis he bildide the wal with out the citee of Dauid, at the west of Gion, in the valei, fro the entryng of the yate of fischis, bi cumpas til to Ophel; and he reiside it gretli; and he ordeynede princes of the oost in alle the stronge citees of Juda. 9 And he dide awei alien goddis and symylacris fro the hows of the Lord; and he dide awei the auteris, whiche he hadde maad in the hil of the hows of the Lord, and in Jerusalem, and he castide awei alle with out the citee. 10 Certis he restoride the auter of the Lord, and offride theronne slayn sacrifices, and pesible sacrifices, and preisyng; and he comaundide Juda to serue the Lord God of Israel. 11 Netheles the puple offride yit in hiy places to her Lord God. ¹² Forsothe the residue of dedis of Manasses, and his bisechyng to his Lord God, and the wordis of profetis, that spaken to hym in the name of the Lord God of Israel, ben conteyned in the wordis of the kyngis of Israel. 13 And his preier, and the heryng, and alle synnes, and dispisyng, also the places in whiche he bildide hiy thingis, and made wodis and ymagis, bifor that he dide penaunce, ben writun in the bokis of Ozai. 14 Forsothe Manasses slepte with hise fadris, and thei birieden hym in his hows; and Amon, his sone, regnyde for hym. 15 Amon was of two and twenti yeer, whanne he bigan to regne; and he regnyde twei yeer in Jerusalem. 16 And he dide yuel in the siyt of the Lord, as Manasses, his fadir, hadde do; and he offride, and seruyde to alle the idols, whiche Manasses hadde maad. 17 And he reuerenside not the face of the Lord, as Manasses, his fadir, reuerenside; and he dide mych gretter trespassis. ¹⁸ And whanne his seruauntis hadden swore to gyder ayens hym, thei killiden hym in his hows. 19 Sotheli the residue multitude of the puple, aftir that thei hadden slayn hem that hadden slayn Amon, ordeyneden Josie, his sone, kyng for hym. ²¹ Josie was of eiyte yeer, whanne he bigan to regne, and he regnede in Jerusalem oon and thritti yeer. ²² And he dide that, that was riytful in the siyt of the Lord; and yede in the waies of Dauid, his fadir, and bowide not to the riyt side nether to the left side. ²³ Forsothe in the eiytethe yeer of the rewme of his empire, whanne he was yit a child, he bigan to seke God of his fadir Dauid; and in the tweluethe yeer after that he bigan, he clenside Juda and Jerusalem fro hiy places, and wodis, and similacris, and grauun ymagis. ²⁴ And thei destrieden bifor hym the auteris of Baalym, and thei destrieden the symylacris, that weren put aboue. Also he hewide doun the wodis, and grauun ymagis, and brak to smale gobetis; and scateride abrood the smale gobetis on the birielis of hem, that weren wont to offre to tho. ²⁵ Ferthermore he brente the boonys of preestis in the auteris of idols, and he clenside Juda and Jerusalem.