2 Corinthians 6

¹ in nedis, in angwischis, in betyngis, in prisouns, in dissensiouns with ynne, in trauels, in wakyngis, in fastyngis, ² in chastite, in kunnyng, in long abiding, in swetnesse, in the Hooli Goost, ³ in charite not feined, in the word of treuthe, in the vertu of God; bi armeris of riytwisnesse on the riythalf and on the lefthalf; ⁴ bi glorie and vnnoblei; bi yuel fame and good fame; as disseyueris, and trewe men; as thei that ben vnknowun, and knowun; ⁵ as men diynge, and lo! we lyuen; as chastisid, and not maad deed; ⁶ as sorewful, euere more ioiynge; as hauynge nede, but makynge many men riche; as no thing hauynge, and weldynge alle thingis. ⁷ A! ye Corynthies, oure mouth is open to you, oure herte is alargid; ⁸ ye ben not angwischid in vs, but ye ben anguischid in youre inwardnessis. ⁹ And Y seie as to sones, ye that han the same reward, be ye alargid. ¹⁰ Nyle ye bere the yok with vnfeithful men. For what parting of riytwisnes with wickidnesse? or what felouschipe of liyt to derknessis? ¹¹ and what acording of Crist to Belial? or what part of a feithful with the vnfeithful? ¹² and what consent to the temple of God with mawmetis? And ye ben the temple of the lyuynge God, as the Lord seith, For Y schal dwelle in hem, and Y schal walke among hem; and Y schal be God of hem, and thei schulen be a puple to me. ¹³ For which thing go ye out of the myddil of hem, and be ye departid, seith the Lord, and touche ye not vnclene thing; ¹⁴ and Y schal resseyue you, and schal be to you in to a fadir, and ye schulen be to me in to sones and douytris, seith the Lord almyyti. ¹⁶ Therfor, most dereworthe britheren, we that han these biheestis, clense we vs fro al filthe of the fleische and of the spirit, doynge holynesse in the drede of God. ¹⁷ Take ye vs; we han hirt no man, we han apeirid no man, we han bigilid no man. ¹⁸ Y seie not to youre condempnyng; for Y seide bifor, that ye ben in youre hertis, to die togidere and to lyue togidere.