2 Corinthians 9

¹ Therfor Y gesside necessarie to preie britheren, that thei come bifore to you, and make redi this bihiyt blessyng to be redi, so as blessing, and not as aueryce. ² For Y seie this thing, he that sowith scarseli, schal also repe scarseli; and he that sowith in blessyngis, schal `repe also of blessyngis. ³ Ech man as he castide in his herte, not of heuynesse, or of nede; for God loueth a glad yyuere. ⁴ And God is miyti to make al grace abounde in you, that ye in alle thingis euere more han al sufficience, and abounde in to al good werk; ⁵ as it is writun, He delide abrood, he yaf to pore men, his riytwisnesse dwellith withouten ende. ⁶ And he that mynystrith seed to the sowere, schal yyue also breed to ete, and he schal multiplie youre seed, and make myche the encreessingis of fruytis of youre riytwisnesse; ⁷ that in alle thingis ye maad riche waxen plenteuouse in to al symplenesse, which worchith bi vs doing of thankingis to God. ⁸ For the mynystrie of this office not oneli fillith tho thingis that failen to holi men, but also multiplieth many thankyngis to God, ⁹ bi the preuyng of this mynystrie, which glorifien God in the obedience of youre knouleching in the gospel of Crist, and in symplenesse of comynycacioun in to hem and in to alle, ¹⁰ and in the biseching of hem for you, that desiren you for the excellent grace of God in you. ¹¹ Y do thankyngis to God of the yifte of hym, that may not be teld. ¹³ And Y my silf Poul biseche you, bi the myldenesse and softnesse of Crist, which in the face am meke among you, and Y absent triste in you. ¹⁴ For Y preie you, that lest Y present be not bold bi the trist, in which Y am gessid to be bold in to summe, that demen vs, as if we wandren aftir the fleisch. ¹⁵ For we walkynge in fleisch, fiyten not aftir the fleisch.