2 Timothy 3

¹ Of these thei ben that persen housis, and leden wymmen caitifs chargid with synnes, whiche ben led with dyuerse desiris, euere more lernynge, ² and neuere perfitli comynge to the science of treuthe. ³ And as Jannes and Mambres ayenstoden Moises, so these ayenstonden treuthe, men corrupt in vndirstonding, repreuyd aboute the feith. ⁴ But ferthere thei schulen not profite, for the vnwisdom of hem schal be knowun to alle men, as hern was. ⁵ But thou hast getun my teching, ordinaunce, purposing, feith, long abiding, loue, ⁶ pacience, persecuciouns, passiouns, whiche weren maad to me at Antioche, at Ycony, at Listris, what maner persecucyouns Y suffride, and the Lord hath delyuered me of alle. ⁷ And alle men that wolen lyue feithfuli in Crist Jhesu, schulen suffre persecucioun. ⁸ But yuele men and disseyueris schulen encreese in to worse, errynge, and sendinge in to errour. ⁹ But dwelle thou in these thingis that thou hast lerud, and that ben bitakun to thee, witinge of whom thou hast lerud; ¹⁰ for thou hast knowun hooli lettris fro thi youthe, whiche moun lerne thee to heelthe, bi feith that is in Crist Jhesu. ¹¹ For al scripture inspirid of God is profitable to teche, to repreue, to chastice, to lerne in riytwisnes, that the man of God be parfit, lerud to al good werk. ¹⁴ I witnesse bifore God and Crist Jhesu, that schal deme the quike and the deed, and bi the comyng of hym, and the kyngdom of hym, ¹⁵ preche the word, be thou bisi couenabli with outen rest, repreue thou, biseche thou, blame thou in al pacience and doctryn. ¹⁶ For tyme schal be, whanne men schulen not suffre hoolsum teching, but at her desiris thei schulen gadere `togidere to hem silf maistris yitchinge to the eeris. ¹⁷ And treuli thei schulen turne awei the heryng fro treuthe, but to fablis thei schulen turne.