2 Timothy 4

¹ For Y am sacrifisid now, and the tyme of my departyng is nyy. ² Y haue stryuun a good strijf, Y haue endid the cours, Y haue kept the feith. ³ In the tothir tyme a coroun of riytwisnesse is kept to me, which the Lord, a iust domesman, schal yelde to me in that dai; and not oneli to me, but also to these that louen his comyng. 4 Hyye thou to come to me soone. For Demas, louynge this world, hath forsakun me, and wente to Tessalonyk, 5 Crescens in to Galathi, Tite in to Dalmacie; 6 Luk aloone is with me. Take thou Mark, and brynge with thee; for he is profitable to me in to seruyce. 7 Forsothe Y sente Titicus to Effesi. 8 The cloth which Y lefte at Troade at Carpe, whanne thou comest, bringe with thee, and the bookis, but moost parchemyne. 9 Alisaundre, the tresorer, schewide to me myche yuele; the Lord schal yelde to hym aftir his werkis. ¹⁰ Whom also thou eschewe; for he ayenstood ful greetli oure wordis. ¹¹ In my firste defence no man helpide me, but alle forsoken me; be it not arettid to hem. ¹² But the Lord helpide me, and coumfortide me, that the preching be fillid bi me, and that alle folkis here, that Y am delyueride fro the mouth of the lioun. ¹³ And the Lord delyueride me fro al yuel werk, and schal make me saaf in to his heuenly kingdom, to whom be glorie in to worldis of worldis. ¹⁴ Amen. Grete wel Prisca, and Aquila, and the hous of Oneseforus. ¹⁵ Erastus lefte at Corynthi, and Y lefte Trofymus sijk at Mylete. ¹⁶ Hiye thou to come bifore wyntir. Eubolus, and Prudent, and Lynus, and Claudia, and alle britheren, greten thee wel. ¹⁷ Oure Lord Jhesu Crist be with thi spirit. The grace of God be with you. Amen. ²⁰ Poul, the seruaunt of God, and apostle of Jhesu Crist, bi the feith of the chosun of God, and bi the knowing of the treuthe, ²¹ whiche is aftir pitee, in to the hope of euerlastinge lijf, which lijf God that lieth not, bihiyte bifore tymes of the world; ²² but he hath schewid in hise tymes his word in preching, that is bitakun to me bi the comaundement of `God oure sauyour,