Amos 1

¹ Thanne, for the kyng comaundide, Daniel was clothid in purpur, and a goldun bie was youun aboute in his necke; and it was prechid of hym, that he hadde power, and was the thridde in the rewme. ² In the same niyt Balthasar, the kyng of Caldeis, was slayn; ³ and Daryus of Medei was successour in to the rewme, and he was two and sixti yeer eld. ⁵ It pleside Darius, and he ordeynede sixe score duykis ouer the rewme, that thei schulden be in al his rewme. ⁶ And ouer hem he ordeynede thre princes, of whiche Danyel was oon; that the duykis schulden yelde resoun to hem, and that the kyng schulde not suffre ony disese. ⁷ Therfor Danyel ouercam alle the princes and duikis, for more spirit of God was in hym. ⁸ Certis the kyng thouyte to ordeyne hym on al the rewme. Wherfor princes and duikis souyten to fynde occasioun to Danyel, of the side of the kyng; and thei miyten fynde no cause and suspicioun, for he was feithful, and no blame and suspicioun was foundun in hym. ⁹ Therfor tho men seiden, We schulen not fynde ony occasioun to this Danyel, no but in hap in the lawe of his God. ¹⁰ Thanne the princes and duykis maden fals suggestioun to the kyng, and spaken thus to hym, Kyng Darius, lyue thou with onten ende. ¹¹ Alle the princes of thi rewme, and magistratis, and duykis, senatours, and iugis, han maad a counsel, that a decree and comaundement of the emperour go out, that ech man that axith ony axyng of what euer god and man, til to thretti daies, no but of thee, thou kyng, he be sent in to the lake of liouns. ¹² Now therfor, kyng, conferme thou the sentence, and write thou the decree, that this that is ordeyned of Medeis and Perseis be not chaungid, nethir be it leueful to ony man to breke. ¹³ Forsothe Darius, the kyng, settide forth, and confermyde the decree. ¹⁴ And whanne Danyel hadde founde this thing, that is, the lawe ordeyned, he entride in to his hous; and the while the wyndows weren open in his soler ayens Jerusalem, in thre tymes in the dai he bowide hise knees, and worschipide, and knoulechide bifore his God, as he was wont to do bifore. ¹⁵ Therfor tho men enqueriden ful bisili, and founden Danyel preiynge, and bisechynge his God.