Baruch 2

¹ for the comyng of the dai in which alle Filisteis schulen be destried; and Tirus schal be destried, and Sidon with alle her othere helpis. For the Lord hath destried Palestyns, the remenauntis of the ile of Capadocie. ² Ballidnesse cam on Gaza; Ascolon was stille, and the remenauntis of the valei of tho. ³ Hou longe schalt thou falle doun, O! swerd of the Lord, hou long schalt thou not reste? Entre thou in to thi schethe, be thou refreischid, and be stille. ⁴ Hou schal it reste, whanne the Lord comaundide to it ayens Ascalon, and ayens the see coostis therof, and there hath seide to it? ⁶ To Moab the Lord of oostis, God of Israel, seith these thingis. Wo on Nabo, for it is destried, and schent; Cariathiarym is takun, the stronge citee is schent, and tremblide. ⁷ And ful out ioiyng is no more in Moab, thei thouyten yuel ayens Esebon. Come ye, and leese we it fro folk. Therfor thou beynge stille, schalt be stille, and swerd schal sue thee. ⁸ A vois of cry fro Oronaym, distriynge, and greet sorewe. ⁹ Moab is defoulid, telle ye cry to litil children therof. ¹⁰ For a man wepynge stiede with wepyng bi the stiyng of Luyth, for in the comyng doun of Oronaym enemyes herden the yellyng of sorewe. ¹¹ Fle ye, saue ye youre lyues; and ye schulen be as bromes in desert. ¹² For that that thou haddist trist in thi strengthis, and in thi tresouris, also thou schalt be takun. And Chamos schal go in to passyng ouer, the preestis therof and the princes therof togidere. ¹³ And a robbere schal come to ech citee, and no citee schal be sauyd; and valeis schulen perische, and feeldi places schulen be distried, for the Lord seide. ¹⁴ Yyue ye the flour of Moab, for it schal go out flourynge; and the citees therof schulen be forsakun, and vnhabitable. ¹⁵ He is cursid, that doith the werk of God gilefuli; and he is cursid, that forbedith his swerd fro blood. ¹⁶ Moab was plenteuouse fro his yong wexynge age, and restide in hise drastis, nether was sched out fro vessel in to vessel, and yede not in to passyng ouer; therfor his taaste dwellide in hym, and his odour is not chaungid. ¹⁷ Therfor lo! daies comun, seith the Lord, and Y schal sende to it ordeynours, and arayeris of potels; and thei schulen araye it, and thei schulen waste the vessels therof, and hurtle togidere the potels of hem. ¹⁸ And Moab schal be schent of Chamos, as the hous of Israel was schent of Bethel, in which it hadde trist. ¹⁹ Hou seien ye, We ben stronge, and stalworthe men to fiyte? ²⁰ Moab is distried, and thei han brent the citees therof, and the chosun yonge men therof yeden doun in to sleynge, seith the kyng, the Lord of oostis is his name. ²¹ The perischyng of Moab is nyy, that it come, and the yuel therof renneth ful swiftli. ²² Alle ye that ben in the cumpas therof, coumforte it; and alle ye that knowen the name therof, seie, Hou is the stronge yerde brokun, the gloriouse staaf? ²³ Thou dwellyng of the douytir of Dibon, go doun fro glorie, sitte thou in thirst; for the distriere of Moab schal stie to thee, and he schal destrie thi strengthis. ²⁴ Thou dwellyng of Aroer, stonde in the weie, and biholde; axe thou hym that fleeth, and hym that ascapide; seie thou, What bifelle? ²⁵ Moab is schent, for he is ouercomun; yelle ye, and crye; telle ye in Arnon, that Moab is destried. ²⁶ And doom is comun to the lond of the feeld, on Elon, and on Jesa, and on Mephat, and on Dibon, ²⁷ and on Nabo, and on the hous of Debalthaym, ²⁸ and on Cariathiarym, and on Bethgamul, and on Bethmaon, and on Scarioth, ²⁹ and on Bosra, and on alle the citees of the lond of Moab, that ben fer, and that ben niy. ³⁰ The horn of Moab is kit awei, and the arm therof is al to-brokun, seith the Lord. ³¹ Fille ye him greetli, for he is reisid ayens the Lord; and he schal hurtle doun the hond of Moab in his spuyng, and he also schal be in to scorn. ³² For whi, Israel, he was in to scorn to thee, as if thou haddist founde hym among theues; therfor for thi wordis whiche thou spakist ayens hym, thou schalt be led prisoner. ³³ Ye dwelleris of Moab, forsake citees, and dwelle in the stoon, and be ye as a culuer makynge nest in the hiyeste mouth of an hool. ³⁴ We han herd the pride of Moab; he is ful proud. ³⁵ Y knowe, seith the Lord, the hiynesse therof, and pride in word, and pride in beryng, and the hiynesse of herte, and the boost therof, and that the vertu therof is not niy, ethir lijk it, nethir it enforside to do bi that that it miyte.