Deuteronomy 10

¹ Fro thennus thei camen in to Galgad; fro which place thei yeden forth, and settiden tentis in Jehabatha, in the lond of watris and of strondis. ² In that tyme Y departide the lynage of Leuy, that it schulde bere the arke of boond of pees of the Lord, and schulde stonde bifor hym in seruyce, and schulde blesse in his name til in to present dai. ³ For which thing Leuy hadde not part, nether possession with hise brithren, for the Lord hym silf is his possessioun, as thi Lord God bihiyte to hym. ⁴ Forsothe Y stood in the hil as bifore, fourti daies and fourti niytis, and the Lord herde me also in this tyme, and nolde leese thee. ⁵ And he seide to me, Go thou, and go bifor this puple, that it entre, and welde the lond which Y swoor to her fadris, that Y schulde yeue to hem. ⁶ And now, Israel, what axith thi Lord God of thee, no but that thou drede thi Lord, and go in hise weies, and that thou loue hym, and serue thi Lord God in al thin herte, and in al thi soule; ⁷ and that thou kepe the comaundementis of thi Lord God, and the cerymonyes of hym, whiche Y comaunde to thee to dai, that it be wel to thee. ⁸ Lo! heuene is of thi Lord God, and heuene of heuene; the erthe and alle thingis that ben ther ynne ben hise; ⁹ and netheles the Lord was glued the Lord was glued, that is, was ioyned to hem with the glu of charite bi his pure liberalte, for he hadde no nede to hem, as nether to thee. to thi fadris, and louede hem, and he chees her seed after hem, and you of alle folkis, as it is preued to dai. ¹⁰ Therfor circumcide ye the prepucie, ethir vnclennesse, of youre herte of youre herte, that is, in doinge awey al yuel thouyt and wille. , and no more make ye harde youre nol. 11 For youre Lord God hym silf is God of goddis, and Lord of lordis, God greet, and miyti, and feerdful, which takith not persoone, nether yiftis. ¹² He makith doom to the fadirles, and modirles, and to the widewe; he loueth a pilgrym, and yyueth to hym lyiflode and clothing. ¹³ And therfor loue ye pilgryms, for also ye weren comelyngis in the lond of Egipt. 14 Thou schalt drede thi Lord God, and thou schalt serue hym aloone, and thou schalt cleue to hym, and thou schalt swere in his name. 15 He is thi preisyng, and thi God, that made to thee these grete dedis, and ferdful, whiche thin iyen siyen. 16 In seuenti men thi fadris yeden doun in to Egipt, and lo! now thi Lord God hath multiplied thee as the sterris of heuene. 18 Therfor loue thi Lord God, and kepe thou hise comaundementis and cerymonyes, domes and heestis, in al tyme. 19 Knowe ye to day tho thingis whiche youre sones knowen not, whiche sones sien not the doctryn of youre Lord God, hise grete dedis, and strong hond, and arm holdun forth, 20 myraclis and werkis, whiche he dide in the myddis of Egipt to Farao, kyng, and to al the lond of hym, and to al the oost of Egipcians, 21 and to horsis, and carris; hou the watris of the reed see hiliden hem, whanne thei pursueden you, and the Lord dide awei hem til in to present dai; ²² and whiche thingis the Lord dide to you in wildernesse, til ye camen to this place;