Deuteronomy 23

¹ Thou schalt not haue abhomynacioun of a man of Ydumye, for he is thi brothir, nethir of a man of Egipt, for thou were a comelyng in the lond of hym. 2 Thei that ben borun of hem, schulen entre in the thridde generacioun in to the chirche of the Lord. ³ Whanne thou schalt go out in to batel ayens thin enemyes, thou schalt kepe thee fro al yuel thing. 4 If a man is among you, which is defoulid in sleep of nyyt, he schal go out of the castels he schal go out of the castels of the Godhed and of Leuytis, not out of the castels of the comyn peeple. ; 5 and he schal not turne ayen bifore that he be waischun in watir at euentid, and aftir the goyng doun of the sunne he schal go ayen in to the castels. 6 Thou schalt haue a place without the castels, to which thou schalt go out to nedeful thingis of kynde; 7 and thou schalt bere a litil stake in the girdil; and whanne thou hast sete, thou schalt digge bi cumpas, and thou schalt hile with erthe thingis defied out, ⁸ where thou art releuyd. For thi Lord God goeth in the myddis of castels, that he diliuere thee, and bitake thin enemyes to thee, that thi castels be hooli, and no thing of filthe appere in tho, lest he forsake thee. ⁹ Thou schalt not bitake a seruaunt to his lord thou schalt not bitake a seruaunt to his lord, that is, whanne the seruaunt is souyt of his lord to be slayn, ether to be meymed, ether to be turmentid in other maner vnduly: he schal dwelle with thee, and so forth; til the ire of his lord ceese, and thanne he schal be yoldun to his lord, sithen he is the thing ether catel of his lord, as also other thingis schulen be restorid. , which seruaunt fleeth to thee; ¹⁰ he schal dwelle with thee in the place that plesith hym, and he schal reste in oon of thi citees; and make thou not hym sori. ¹¹ Noon hoore schal be of the douytris of Israel, nether a letchour of the sones of Israel. ¹² Thou schalt not offre the hire of an hoore hows, nether the prijs of a dogge, in the hows of thi Lord God, what euer thing it is that thou hast avowid; for euer eithir is abhomynacioun bifor thi Lord God. 13 Thou schalt not leene to thi brothir to vsure money, neither fruytis, 14 nethir ony othir thing, but to an alien but to an alien, this is graunting of a thing not leueful, but of a thing lesse yuel to eschewe a more yuel, that is, lest they wolden greue her britheren Iewis with vsuris. . Forsothe thou schalt leene to thi brothir without vsure that that he nedith, that thi Lord God blesse thee in al thi werk, in the lond to which thou schalt entre to welde. 15 Whanne thou makist auow to thi Lord God, thou schalt not tarie to yelde, for thi Lord God schal requyre, ether axe, that; and if thou tariest, it schal be arretid to thee in to synne. ¹⁶ If thou nylt bihete, thou schalt be with out synne. 17 Forsothe Forthi kepe the heestis for that thou hast auowid, in comparisoun of him that hootith, and fulfillith it not. thou schalt kepe, and do that that yede out onys of thi lippis, as thou bihiytist to thi Lord God, and hast spoke with thin owne wille and thi mouth. ¹⁸ If thou entrist in to the vynere of thi neiybore, ete thou grapis, as myche as plesith thee; but bere thou not out with thee. ¹⁹ If thou entrist in to the corn of thi freend, thou schalt breke eeris of corn, and frote togidere with the hond; but thou schalt not repe with a sikil. 21 If a man takith a wijf, and hath hir, and sche fyndith not grace bifor hise iyen for sum vilite, he schal write a libel, ethir litil book, of forsakyng, and he schal yyue in the hond of hir, and he schal delyuere hir fro his hows. 22 And whanne sche goith out, and weddith anothir hosebonde, 23 and he also hatith hir, and yyueth to hir a litil booke of forsakyng, and delyuereth hir fro his hows, ethir certis he is deed, ²⁴ the formere hosebonde schal not mow resseyue hir in to wijf, for sche is defoulid, and maad abhomynable bifore the Lord; lest thou make thi lond thi lond, that is, men dwellinge in thi lond. to do synne, which lond thi Lord God yaf to thee to welde. ²⁵ Whanne a man hath take late a wijf, he schal not go forth to batel, nethir ony thing nether ony thing etc. In Ebren it is, nether ony thing schal be enioyned to him, that is, of thingis perteynynge to batel. of comyn nede schal be enioyned to hym, but he schal yyue tent with out blame to his hows, that he be glad in o yeer with his wijf.