Deuteronomy 27

¹ and thou schalt ete there, and thou schalt make feeste bifor thi Lord God. ² And thou schalt write pleynli and clereli on the stoonys alle the wordis of this lawe. ³ And Moises and the preestis of the kynde of Leuy seiden to al Israel, Israel, perseyue thou, and here; to day thou art maad the puple of thi Lord God; ⁴ thou schalt here his vois, and thou schalt do the comaundementis, and riytfulnessis, whiche Y comaunde to thee to dai. 5 And Moises comaundide to the puple in that day, 6 and seide, These men schulen stonde on the hil of Garizym to blesse the Lord, whanne Jordan is passid; Symeon, Leuy, Judas, Isachar, Joseph, and Benjamyn. ⁷ And euene ayens these men schulen stonde in the hil of Hebal to curse, Ruben, Gad, and Aser, Zabulon, Dan, and Neptalym. ⁸ And the dekenes schulen pronounce, and schulen seie with hiy vois to alle the men of Israel, 9 Cursid is the man that makith a grauun ymage and yotun togidere, abhomynacioun of the Lord, the werk of hondis of crafti men, and schal sette it in priuey place; and al the puple schal answere, and schal seie, Amen! ¹⁰ He is cursid that onoureth not his fadir and modir that onourith not his fadir, etc. In Ebreu it is, that dispisith his fadir. ; and al the puple schal seie, Amen! ¹¹ Cursid is he that berith ouer the termes of his neiybore he fordoth his neiybour termes, that doth other wise to his neiybore, than he wolde he dide to him ; and al the puple schal seie, Amen! 12 Cursid is he that makith a blynde man to erre in the weie; and al the puple schal seie, Amen! 13 He is cursid that peruertith the doom of a comelyng, of a fadirles, ethir modirles child, and of a widewe; and al the puple schal seie, Amen! 14 Cursid is he that slepith with the wijf of his fadir, and schewith the hiling of his bed; and al the puple schal seie, Amen! ¹⁵ Cursid is he that slepith with ony beeste; and al the puple schal seie, Amen! ¹⁶ Cursid is he that slepith with his sistir, the douytir of his fadir, ethir of his modir; and al the puple schal seie, Amen! ¹⁷ Cursid is he that slepith with his wyues modir; and al the puple schal seye, Amen! ¹⁸ Cursid is he that sleeth pryueli his neiybore; and al the puple schal seie, Amen! ¹⁹ Cursid is he that slepith with the wijf of his neiybore; and al the puple schal seie, Amen! 20 Cursid is he that takith yiftis, that he smyte the lijf of innocent blood; and al the puple schal seie, Amen! Cursid is he that dwellith not in the wordis of this lawe, nethir parfourmeth tho in werk; and al the puple schal seie, Amen! ²² Forsothe if thou herist the vois of thi Lord God, that thou do and kepe alle hise comaundementis, whiche Y comaunde to thee to dai, thi Lord God schal make the hiyere than alle folkis that lyuen in erthe. ²³ And alle these blessyngis schulen come on thee, and schulen take thee; if netheles thou herist hise comaundementis. ²⁴ Thou schalt be blessid in citee, and blessid in feeld; ²⁵ blessid schal be the fruyt of thi wombe, and the fruyt of thi lond, and the fruit of thi beestis; blessid schulen be the flockis of thi grete beestis, and the fooldis of thi scheep; 26 blessid schulen be thi bernes, and blessid schulen be `thi relifs;