Deuteronomy 29

¹ And ye camen to this place; and Seon, the kyng of Esebon yede out, and Og, the kyng of Basan, and camen to us to batel. And we han smyte hem, ² and we token awey the lond of hem, and we yauen the lond to possessioun, to Ruben, and to Gad, and to the half lynage of Manasses. ³ Therfor kepe ye the wordis of this couenaunt, and fille ye tho, that ye vndirstonde all thingis whiche ye schulen do. ⁴ Alle ye stonden to day bifor youre Lord God, youre princes, and lynagis, and the grettere men in birthe, and techeris, al the puple of Israel, ⁵ fre children, and youre wyues, and comelyngis that dwellen with thee in castels, outakun the heweris of stonus, and outakun hem that beren watris; ⁶ that thou go in the boond of pees of thi Lord God, and in the ooth which thi Lord God smytith with thee, ⁷ that he reise thee in to a puple to hym silf, and that he be thi Lord God, as he spak to thee, and as he swoor to thi fadris, to Abraham, Ysaac, and Jacob. ⁸ And not to you aloone Y smyte this loond of pees, and conferme these othis, ⁹ but to alle men, present and absent. ¹⁰ For ye witen hou we dwelliden in the lond of Egipt, and how we passiden bi the myddis of naciouns; whiche ye passiden, ¹¹ and siyen abhomynaciouns and filthis, that is, idols of hem, tre and stoon, siluer and gold, whiche thei worschipiden. 12 Lest perauenture among you be man ether womman, meyne ether lynage, whos herte is turned away to dai fro youre Lord God, that he go, and serue the goddis of tho folkis; and a roote a roote, etc. that is, ony man corrupt bi idolatrie that corrumpe othere men bi his wickid tising. buriounnynge galle and bitternesse be among you; 13 and whanne he hath herd the wordis of this ooth, he blesse hym silf he blesse him silf; that is, biheete foryyuenesse to him silf, and so breke more tristily Goddis lawe. in his herte, and seie, Pees schal be to me, and Y schal go in the schrewidnesse of myn herte; and lest the drunkun take the thirsti, 14 and the Lord forgyue not to hym, but thanne ful greetli his strong veniaunce be feers, and the feruour ayens that man, and alle the cursis that ben writun in this book sitte on hym; and the Lord do away his name vndur heuene, 15 and waaste hym in to perdicioun fro alle the lynagis of Israel, bi the cursis that ben conteyned in the book of this lawe and of boond of pees. 16 And the generacioun suynge schal seie, and the sones that schulen be borun aftirward, and pilgrimys that schulen come fro fer, seynge the veniauncis of that lond, and the sikenessis bi whiche the Lord turmentide that lond, 17 brennynge that lond with brymston and heete of the sunne, so that it be no more sowun, nether bringe forth ony grene thing, in to ensaumple of destriyng of Sodom and of Gommorre, of Adama and of Seboym, whiche the Lord destriede in his ire and stronge veniaunce. ¹⁸ And alle folkis schulen seie, Whi dide the Lord so to this lond? What is the greet ire of his stronge veniaunce? ¹⁹ and thei schulen answere, For thei forsoken the couenaunt of the Lord, whiche he couenauntide with her fadris, whanne he ledde hem out of the lond of Egipt, ²⁰ and thei serueden alien goddis, and worschipiden hem, whiche thei knewen not, and to whiche thei weren not youun; ²¹ therfor the strong veniaunce of the Lord was wrooth ayens this lond, that he brouyte yn on it alle the cursis that ben writun in this book; ²² and he castide hem out of her lond, in ire and strong veniaunce, and in gretteste indignacioun; and he castide forth in to an alien lond, as it is preued to dai. ²³ Thingis ben hid thingis ben hid, etc. Ebrews expownen thus, synnes hid fro God ben reserued to dampnacioun; whiche ben schewid to vs, that is, ben punyschid by mannus doom. of oure Lord God, `that is, in his biforknowing, whiche thingis ben schewid to us, and to oure sones with outen ende, that we do alle the wordis of this lawe. ²⁵ Therfor whanne alle these wordis comen on thee, blessyng ether cursing, which Y settide forth in thi siyt, and thou art led bi repentaunce of thin herte among alle folkis, in to whiche thi Lord God hath scaterid thee, ²⁶ and turnest ayen to hym, and obeiest to hise comaundementis, as Y comaundide to thee to dai, with thi sones, in al thin herte and in al thi soule, ²⁷ thi Lord God schal lede thee ayen fro thi caitifte, and schal haue mercy on thee, and eft he schal gadre thee from alle puplis, in to whiche he scateride the bifore. ²⁸ If thou art scaterid to the endis the endis etc. that is, to the ferthereste partis of erthe. of heuene, fro thennus thi Lord God schal withdrawe thee; ²⁹ and he schal take and schal bringe thee in to the lond which thi fadris weldiden; and thou schalt holde it, and he schal blesse thee, and schal make thee to be of more noumbre than thi fadris weren.