Deuteronomy 5

¹ Thou schalt not haue alien Goddis in my siyt. ² Thou schalt not make to thee a grauun ymage, nether a licnesse of alle thingis that is, of nothing of eny of alle tho thingis. that ben in heuene aboue, and that ben in erthe bynethe, and that lyuen in watris vndur erthe; ³ thou schalt not herie tho, and thou schalt not worschipe tho; for Y am thi Lord God, God a feruent louyer; and Y yelde the wickidnesse of fadris, in to sones in to the thridde and the fourthe generacioun to hem that haten me, ⁴ and Y do mersy in to many thousyndis to hem that louen me, and kepen myn heestis. ⁵ Thou schalt not mystake the name of thi Lord God in veyn, for he schal not be vnpunyschid, that takith the name of God on a veyn thing. ⁶ Kepe thou the day of sabat that thou halewe it, as thi Lord God comaundide to thee. 7 In sixe daies thou schalt worche, and thou schalt do alle thi werkis; 8 the seventhe day is of sabat, that is the reste of thi Lord God. Thou schalt not do therynne ony thing of werk forbooden of God to the. ; thou, and thi sone, and douyter, seruaunt, and handmaide, and oxe, and asse, and al thi werk beeste, and the pilgrym which is with ynne thi yatis; that thi seruaunt reste and thin handmaide, as also thou. 9 Bithenke thou, that also thou seruedist in Egipt, and thi Lord God ledde thee out fro thennus, in a strong hond, and arm holdun forth; therfor he comaundide to thee, that thou schuldist kepe the dai of sabat. ¹⁰ Onoure thi fadir and thi modir, as thi Lord God comaundide to thee, that thou lyue in long tyme, and that it be wel to thee, in the lond which thi Lord God schal yyue to thee. ¹¹ Thou schalt not sle. ¹² Thou schalt not do letcherie. ¹³ And thou schalt not do thefte. ¹⁴ Thou schalt not speke fals witnessyng ayens thi neiybore. ¹⁵ Thou schalt not coueite the wijf of thi neiybore, not hows, not feeld, not seruaunt, not handmayde, not oxe, not asse, and alle thingis that is, no thing of alle the thinges. that ben hise. 16 The Lord spak these wordis to al youre multitude, in the hil, fro the myddis of fier and of cloude and of myist, with greet vois, and addide no thing more; and he wroot tho wordis in two tablis of stoon, whiche he yaf to me. 17 Forsothe after that ye herden the vois fro the myddis of the derknessis, and sien the hil brenne, alle ye princis of lynagis, and the grettere men in birthe, neiyiden to me, and seiden, Lo! 18 oure Lord God schewide to vs his maieste and greetnesse; we herden his vois fro the myddis of fier, and we preueden to day that a man lyuede, while God spak with man. ¹⁹ Whi therfor schulen we die, and schal this gretteste fier deuoure vs? For if we heren more the vois of oure Lord God, we schulen die. ²⁰ What is ech man, that he here the vois of God lyuynge, that spekith fro the myddis of fier, as we herden, and that he may lyue? ²¹ Rathere neiye thou, and here thou alle thingis whiche oure Lord God schal seie to thee; and thou schalt speke to vs, and we schulen here, and schulen do tho wordis. ²² And whanne the Lord hadde herd this, he seide to me, Y herde the vois of the wordis of this puple, whiche thei spaken to thee; thei spaken wel alle thingis. ²³ Who schal yyue that thei haue siche soule, that thei drede me, and kepe alle my comaundementis in al tyme, that it be wel to hem and to the sones of hem, with outen ende? ²⁴ Go thou, and seye to hem, Turne ye ayen in to youre tentis. ²⁵ Sotheli stonde thou here with me, and Y schal speke to thee alle comaundementis, and cerymonyes, and domes, whiche thou schalt teche hem, that thei do tho in the lond which Y schal yyue to hem in to possessioun. ²⁶ Therfor kepe ye, and `do ye tho thingis, whiche the Lord God comaundide to you; ye schulen not bowe awey, nether to the riyt side riyt side, etc. that is, nether for ony prosperite to be getun, nether aduersite to be eschewid. nether to the left side, ²⁷ but ye schulen go bi the weie whiche youre Lord God comaundide, that ye lyue, and that it be wel to you, and that youre daies be lengthid in the lond of youre possessioun. ²⁹ These ben the comaundementis, and cerymonyes, and domes, whiche youre Lord God comaundide that Y schulde teche you, and that ye do tho in the lond to which ye passen ouer to welde; ³⁰ that thou drede thi Lord God, and kepe alle hise comaundementis, and heestis, whiche Y comaunde to thee, and to thi sones, and sones of sones, in alle the daies of thi lijf, that thi daies be lengthid. ³¹ Thou Israel, here, and kepe, that thou do tho thingis whiche the Lord comaundide to thee, and that it be wel to thee, and thou be multiplied more, as the Lord God of thi fadris bihiyte, to yyue to thee a lond flowynge with mylk and hony. ³² Thou Israel, here, thi Lord God is o God. ³³ Thou schalt loue thi Lord God of al thin herte, and of al thi soule, and of al thi strengthe.