Ecclesiastes 12

¹ Sche bihelde a feeld, and bouyte it; of the fruyt of hir hondis sche plauntide a vyner. ² Sche girde hir leendis with strengthe, and made strong hir arm. ³ Sche taastide, and siy, that hir marchaundie was good; hir lanterne schal not be quenchid in the niyt. ⁴ Sche putte hir hondis to stronge thingis, and hir fyngris token the spyndil. ⁵ Sche openyde hir hond to a nedi man, and stretchide forth hir hondis to a pore man. ⁶ Sche schal not drede for hir hous of the cooldis of snow; for alle hir meyneals ben clothid with double clothis. ⁷ Sche made to hir a ray cloth; bijs and purpur is the cloth of hir. ⁸ Hir hosebonde is noble in the yatis, whanne he sittith with the senatours of erthe. ⁹ Sche made lynnun cloth, and selde; and yaf a girdil to a Chananei. ¹⁰ Strengthe and fairnesse is the clothing of hir; and sche schal leiye in the laste dai. ¹¹ Sche openyde hir mouth to wisdom; and the lawe of merci is in hir tunge. ¹² Sche bihelde the pathis of hir hous; and sche eet not breed idili. ¹³ Hir sones risiden, and prechiden hir moost blessid; hir hosebonde roos, and preiside hir. ¹⁴ Many douytris gaderiden richessis; thou passidist alle.