Ecclesiastes 6

¹ Knowe thou diligentli the cheere of thi beeste; and biholde thou thi flockis. ² For thou schalt not haue power contynueli; but a coroun schal be youun to thee in generacioun and in to generacioun. ³ Medewis ben openyd, and greene eerbis apperiden; and hey is gaderid fro hillis. ⁴ Lambren be to thi clothing; and kidis be to the prijs of feeld. ⁵ The mylke of geete suffice to thee for thi meetis; in to the necessarie thingis of thin hous, and to lijflode to thin handmaidis. ⁷ A wickid man fleeth, whanne no man pursueth; but a iust man as a lioun tristynge schal be with out ferdfulnesse. ⁸ For the synnes of the lond ben many princis therof; and for the wisdom of a man, and for the kunnyng of these thingis that ben seid, the lijf of the duyk schal be lengere. ⁹ A pore man falsli calengynge pore men, is lijk a grete reyn, wherynne hungur is maad redi. ¹⁰ Thei that forsaken the lawe, preisen a wickid man; thei that kepen `the lawe, ben kyndlid ayens hym. ¹¹ Wickid men thenken not doom; but thei that seken the Lord, perseyuen alle thingis. ¹² Betere is a pore man goynge in his sympilnesse, than a riche man in schrewid weies.