Exodus 17

¹ Forsothe Moises criede to the Lord, and seide, What schal Y do to this puple? yit a litil, also it schal stone me. ² The Lord seide to Moises, Go thou bifore the puple, and take with thee of the eldre men of Israel, and take in thin hond the yerde, bi which thou hast smyte the flood, and go; lo! 3 Y schal stonde there before thee, aboue the stoon of Oreb, and thou schalt smyte the stoon, and water schal go out therof, that the puple drynke. Moises dide so byfore the eldere men of Israel; 4 and he clepide the name of that place Temptacioun, for the chidyng of the sones of Israel, and for thei temptiden the Lord, and seiden, Whether the Lord is in vs, ether nay? 5 Forsothe Amalech cam, and fauyt ayens Israel in Rafidym. 6 And Moises seide to Josue, Chese thou men, and go out, and fiyte to morewe ayens men of Amalech; lo! Y schal stonde in the cop of the hil, and Y schal haue the yerde of God in myn hond. ⁷ Josue dide as Moises spak, and fauyt ayens Amalech. Forsothe Moises, and Aaron, and Hur stieden on the cop of the hil; ⁸ and whanne Moises reiside the hondis, Israel ouercam; forsothe if he let down a litil, Amalech ouercam. ⁹ Sotheli the hondis of Moises weren heuy, therfor thei token a stoon, and puttide vndir hym, in which stoon he sat. Forsothe Aaron and Hur susteyneden hise hondis, on euer eithir side; and it was don, that hise hondis weren not maad weri, til to the goyng down of the sunne. 10 And Josue Josue drof awey, in Ebreu it is, made feble, for as Ebreus seien, he killide alle the stronge men of Amalech in that batel. droof a wey Amalech and his puple, in the mouth of swerd, that is, bi the scharpnesse of the swerd. ¹¹ Forsothe the Lord seide to Moises, Wryte thou this in a book, for mynde, and take in the eeris of Josue; for Y schal do a wei the mynde of Amalech fro vndur heuene. ¹² And Moises bildide an auter, and clepide the name therof The Lord myn enhaunsere, ¹³ and seide, For the hond of the Lord aloone, and the bateil of God schal be ayens Amalech, fro generacioun in to generacioun. ¹⁵ And whanne Jetro, the prest of Madian, the alye of Moises the alie of Moises, in Ebreu it is, fadir of the wiyf of Moises. , hadde herd alle thingis which God hadde do to Moises, and to Israel his puple, for the Lord hadde led Israel out of the lond of Egipt, 16 he took Sefora, the wijf of Moises, whom he hadde sent ayen,