Ezekiel 15

³ The puple of God, Israel worthi to be had in mynde, be thou `of betere coumfort. ⁴ Ye ben seeld to hethene men, not in to perdicioun; but for that that ye in ire terreden God to wrathfulnesse, ye ben bitakun to aduersaries. ⁵ For ye wraththiden thilke God euerlastynge, that made you; and ye offriden to fendis, and not to God. ⁶ For ye foryaten hym that nurschide you, and ye maden sori youre nurse, Jerusalem. ⁷ For it siy wrathfulnesse of God comynge to you, and it seide, Ye niy coostis of Sion, here; forsothe God hath brouyte greet morenyng to me. ⁸ For Y siy the caitiftee of my puple, of my sones and douytris, which he that is with out bigynnyng and ende brouyte on hem.