Ezekiel 5

¹ Res. Se thou, Lord, and byholde, whom thou hast maad so bare; therfor whether wymmen schulen ete her fruyt, litle children at the mesure of an hond? for a prest and profete is slayn in the seyntuarie of the Lord. ² Syn. A child and an elde man laien on the erthe withoutforth; my virgyns and my yonge men fellen doun bi swerd; thou hast slayn hem in the dai of thi strong veniaunce, thou smotist `and didist no merci. ³ Thau. Thou clepidist, as to a solempne dai, hem that maden me aferd of cumpas; and noon was that ascapide in the dai of the strong veniaunce of the Lord, and was left; myn enemy wastide hem, whiche Y fedde, and nurschide up. ⁵ Aleph. I am a man seynge my pouert in the yerde of his indignacioun. ⁶ Aleph. He droof me, and brouyte in to derknessis, and not in to liyt. ⁷ Aleph. Oneli he turnede in to me, and turnede togidere his hond al dai. ⁸ Beth. He made eld my skyn, and my fleisch; he al to-brak my boonys. ⁹ Beth. He bildid in my cumpas, and he cumpasside me with galle and trauel. ¹⁰ Beth. He settide me in derk places, as euerlastynge deed men. ¹¹ Gymel. He bildide aboute ayens me, that Y go not out; he aggregide my gyues. ¹² Gymel. But and whanne Y crie and preye, he hath excludid my preier. ¹³ Gymel. He closide togidere my weies with square stoonus; he distriede my pathis. ¹⁴ Deleth. He is maad a bere settinge aspies to me, a lioun in hid places. ¹⁵ Deleth. He distriede my pathis, and brak me; he settide me desolat. ¹⁶ Deleth. He bente his bowe, and settide me as a signe to an arowe. ¹⁷ He. He sente in my reynes the douytris of his arowe caas.