Ezekiel 8

¹ Res. Lord, ayenbiere of my lijf, thou demydist the cause of my soule. ² Res. Lord, thou siest the wickidnesse of hem ayens me; deme thou my doom. ³ Res. Thou siest al the woodnesse, alle the thouytis of hem ayenus me. ⁴ Syn. Lord, thou herdist the schenshipis of hem; alle the thouytis of hem ayens me. ⁵ Syn. The lippis of men risynge ayens me, and the thouytis of hem ayens me al dai. ⁶ Syn. Se thou the sittynge and risyng ayen of hem; Y am the salm of hem. ⁷ Thau. Lord, thou schalt yelde while to hem, bi the werkis of her hondis. ⁸ Tau. Thou schalt yyue to hem the scheeld of herte, thi trauel. ⁹ Tau. Lord, thou schalt pursue hem in thi strong veniaunce, and thou schalt defoule hem vndur heuenes. ¹¹ Aleph. How is gold maad derk, the beste colour is chaungid? the stonys of the seyntuarie ben scaterid in the heed of alle stretis. ¹² Beth. The noble sones of Sion, and clothid with the best gold, hou ben thei arettid in to erthene vessels, in to the werk of the hondis of a pottere? ¹³ Gimel. But also lamyes maden nakid her tetis, yauen mylk to her whelpis; the douyter of my puple is cruel, as an ostrig in desert. ¹⁴ Deleth. The tonge of the soukynge childe cleued to his palat in thirst; litle children axiden breed, and noon was that brak to hem. ¹⁵ He. Thei that eeten lustfuli, perischiden in weies; thei that weren nurschid in cradels, biclippiden toordis. ¹⁶ Vau. And the wickidnesse of the douyter of my puple is maad more than the synne of men of Sodom, that was distried in a moment, and hondis token not therynne. ¹⁷ Zai. Nazareis therof weren whitere than snow, schynyngere than mylk; rodier than elde yuer, fairere than safire. ¹⁸ Heth. The face of hem was maad blackere than coolis, and thei weren not knowun in stretis; the skyn cleuyde to her boonys, it driede, and was maad as a tre.