Ezra 2

¹ the sones of Helam, a thousynde two hundrid and foure and fifti; ² the sones of Zechua, nyne hundrid and fyue and fourti; ³ the sones of Zahai, seuene hundrid and sixti; ⁴ the sones of Bany, sixe hundrid and two and fourti; ⁵ the sones of Bebai, sixe hundrid and thre and twenti; the sones of Azgad, ⁶ a thousynde two hundrid and two and twenti; ⁷ the sones of Adonycam, sixe hundrid and sixe and sixti; ⁸ the sones of Beguai, two thousynde two hundrid and sixe and fifti; the sones of Adyn, ⁹ foure hundrid and foure and fifti; ¹⁰ the sones of Ather, that weren of Ezechie, nynti and eiyte; ¹¹ the sones of Besai, thre hundrid and thre and twenti; ¹² the sones of Jora, an hundrid and twelue; ¹³ the sones of Asom, two hundrid and thre and thritti; ¹⁴ the sones of Gebar weren nynti and fyue; ¹⁵ the sones of Bethleem weren an hundrid and eiyte and twenti; ¹⁶ the men of Nechopha, sixe and fifti; ¹⁷ the men of Anathot, an hundrid and eiyte and twenti; ¹⁸ the sones of Asmaneth, two and fourti; ¹⁹ the sones of Cariathiarym, Cephiara, and Berhoc, seuene hundrid and thre and fourti; ²⁰ the sones of Arama and of Gaba, sixe hundrid and oon and twenti; ²¹ men of Mathmas, an hundrid and two and twenti; men of Bethel and of Gay, 22 two hundrid and thre and twenti; 23 the sones of Nebo, two and fifti; 24 the sones of Nebgis, an hundrid and sixe and fifti; 25 the sones of the tother Helam, a thousynde two hundrid and foure and fifti; 26 the sones of Arym, thre hundrid and twenti; 27 the sones of Loradid and of Ono, seuene hundrid and fyue and twenti; 28 the sones of Jerico, thre hundrid and fyue and fourti; 29 the sones of Sanaa, thre thousynde sixe hundrid and thritti; 30 preestis, the sones of Idaie, in the hows of Jesue, nyne hundrid and thre and seuenti; 31 the sones of Emmeor, a thousynde and two and fifti; the sones of Phesur, 32 a thousynde two hundrid and seuene and fourti; 33 the sones of Arym, a thousynde and seuentene; dekenes, 34 the sones of Jesue and of Cedynyel, sones of Odonye, foure and seuenti; syngeris, 35 the sones of Asaph, an hundrid and eiyte and twenti; 36 the sones of porteris, sones of Sellum, sones of Ather, sones of Thelmon, sones of Accub, sones of Aritha, sones of Sobar, sones of Sobai, alle weren an hundrid and eiyte and thritty; 37 Nathynneis, the sones of Osai, sones of Asupha, sones of Thebaoth, sones of Ceros, 38 sones of Sisaa, sones of Phadon, 39 sones of Jebana, sones of Agaba, sones of Accub, 40 sones of Accab, sones of Selmai, 41 sones of Annam, sones of Gaddel, sones of Gaer, 42 sones of Rahaia, sones of Rasyn, sones of Nethoda, sones of Gazem, sones of Asa, 43 sones of Phasea, sones of Besee, 44 sones of Asennaa, sones of Numyn, sones of Nethusym, 45 sones of Bethuth, sones of Acupha, sones of Aryn, sones of Besluth, 46 sones of Maida, sones of Arsa, 47 sones of Bercos, sones of Sisara, sones of Thema, 48 sones of Nasia, sones of Acupha, 49 the sones of the seruauntis of Salomon, the sones of Sothelthei, the sones of Soforeth, the sones of Pharuda, the sones of Asa, 50 the sones of Delcon, the sones of Gedeb, 51 the sones of Saphata, the sones of Atil, the sones of Phecerethi, that weren of Asebam, the sones of Ammy; 52 alle the Nathyneis, and the sones of the seruauntis of Salomon weren thre hundrid nynti and tweyne. 53 And thei that stieden fro Thelmela, Thelersa, Cherub, and Don, and Mey, and myyten not schewe the hows of her fadris and her seed, whether thei weren of Israel; 54 the sones of Delaya, the sones of Thobie, the sones of Nethoda, sixe hundrid and two and fifti; 55 and of the sones of prestis, the sones of Obia, sones of Accos, sones of Berzellai, which took a wijf of the douytris of Bersellai Galadite, and was clepid bi the name of hem; 56 these souyten the scripture of her genologie, and founden not, and thei weren cast out of preesthod. 57 And Attersatha seide to hem, that thei schulden not ete of the hooli of hooli thingis, til a wijs preest and perfit roos. 58 Al the multitude as o man, two and fourti thousynde thre hundrid and sixti, 59 outakun the seruauntis of hem and the handmaydis, that weren seuene thousynde thre hundrid and seuene and thretti; and among hem weren syngeris and syngeressis twei hundrid. ⁶⁰ The horsis of hem weren sixe hundrid and sixe and thritti; the mulis of hem weren foure hundrid and fyue and fourti; ⁶¹ the camels of hem weren foure hundrid and fyue and thritti; the assis of hem weren sixe thousynde seuene hundrid and twenti. ⁶² And of the princes of fadris, whanne thei entriden in to the temple of the Lord, which is in Jerusalem, thei offriden of fre wille in to the hows of God, to bilde it in his place; ⁶³ thei yauen bi her myytes the costis of the werk, oon and fourti thousynde platis of gold; fyue thousynde besauntis of siluer; and preestis clothis an hundrid. 64 Therfor preestis and dekenes of the puple, and syngeris, and porteris, and Nathynneis dwelliden in her citees, and al Israel in her cytees. 66 And thanne the seuenthe monethe was comun, and the sones of Israel weren in her citees. 67 Therfor the puple was gaderid as o man in to Jerusalem. And Josue, the sone of Josedech, roos, and hise britheren, prestis, and Zorobabel, the sone of Salatiel, and hise britheren, and thei bildiden the auter of God of Israel for to offre therynne brent sacrifices, as it is writun in the lawe of Moises, the man of God. 68 Forsothe thei settiden the auter on his foundementis, while the puplis of londis bi cumpas maden hem aferd, and thei offriden on that auter brent sacrifice to the Lord in the morewtid and euentid. 69 And thei maden solempnytee of tabernaclis, as it is writun, and brent sacrifice ech dai bi ordre, bi the werk of the dai comaundid in his dai. ⁷⁰ And after this thei offriden contynuel brent sacrifice, bothe in calendis and in alle solempnytees of the Lord, that weren halewid, and in alle solempnytees, in which yifte was offrid to the Lord bi fre wille.