Galatians 6

¹ He that is tauyt bi word, comune he with him that techith hym, in alle goodis. 2 Nyle ye erre, God is not scorned; 3 for tho thingis that a man sowith, tho thingis he schal repe. For he that sowith in his fleisch, of the fleisch he schal repe corrupcioun; but he that sowith in the spirit, of the spirit he schal repe euerelastynge lijf. 4 And doynge good faile we not; for in his tyme we schal repe, not failinge. 5 Therfor while we han tyme, worche we good to alle men; but most to hem that ben homliche of the feith. 6 Se ye, what maner lettris Y haue write to you with myn owne hoond. 7 For who euere wole plese in the fleisch, this constreyneth you to be circumcidid, oonli that thei suffren not the persecucioun of Cristis crosse. ⁸ For nether thei that ben circumcidid kepen the lawe; but thei wolen that ye be circumcidid, that thei haue glorie in youre fleisch. ⁹ But fer be it fro me to haue glorie, no but in the crosse of oure Lord Jhesu Crist, bi whom the world is crucified to me, and Y to the world. ¹⁰ For in Jhesu Crist nether circumcisioun is ony thing worth, ne prepucie, but a newe creature. ¹¹ And who euere suwen this reule, pees on hem, and merci, and on Israel of God. ¹² And heraftir no man be heuy to me; for Y bere in my bodi the tokenes of oure Lord Jhesu Crist. ¹³ The grace of oure Lord Jhesu Crist be with youre spirit, britheren. Amen. ¹⁴ Effesies ¹⁶ Poul, the apostle of Jhesu Crist, bi the wille of God, to alle seyntis that ben at Effesie, and to the feithful men in Jhesu Crist, ¹⁷ grace be to you and pees of God, oure fader, and oure Lord Jhesu Crist. ¹⁸ Blessid be God and the fadir of oure Lord Jhesu Crist, that hath blessid vs in al spiritual blessing in heuenli thingis in Crist,