Genesis 16

¹ the Lord hath closid me, that Y schulde not bere child; entre thou to my seruauntesse, if in hap Y schal take children, nameli of hir. And whanne he assentide to hir preiynge, sche took Agar Egipcian, ² hir seruauntesse, after ten yeer aftir that thei begunne to enhabite in the lond of Chanaan, and sche yaf Agar wiif to hir hosebonde. ³ And Abram entride to Agar; and Agar seiy that sche hadde conseyued, and sche dispiside hir ladi. ⁴ And Saray seide to Abram, Thou doist wickidli ayens me; I yaf my seruauntesse in to thi bosum, which seeth, that sche conseyuede, and dispisith me; the Lord deme betwixe me and thee. ⁵ And Abram answerde and seide to hir, Lo! thi seruauntesse is in thin hond; vse thou hir as it likith. Therfor for Sarai turmentide hir, sche fledde awei.</span> <span class="verse" data-verse="6"><sup>6</sup> And whanne the aungel of the Lord hadde founde hir bisidis a welle of watir in wildernesse, which welle is in the weie of Sur in deseert,</span> <span class="verse" data-verse="7"><sup>7</sup> he seide to hir, Fro whennus comest thou Agar, the seruauntesse of Sarai, and whidur goist thou? Which answerde, Y fle fro the face of Sarai my ladi.</span> <span class="verse" data-verse="8"><sup>8</sup> And the aungel of the Lord seide to hir, Turne thou ayen to thi ladi, and be thou mekid vndur hir hondis.</span> <span class="verse" data-verse="9"><sup>9</sup> And eft he seide, Y multipliynge schal multiplie thi seed, and it schal not be noumbrid for multitude.</span> <span class="verse" data-verse="10"><sup>10</sup> And aftirward he seide, Lo! thou hast conseyued, and thou schalt bere a sone, and thou schalt clepe his name Ismael, for the Lord hath herd thi turment;</span> <span class="verse" data-verse="11"><sup>11</sup> this schal be a wielde man; his hond schal be ayens alle men, and the hondis of alle men schulen be ayens him; and he schal sette tabernaclis euene ayens alle his britheren.</span> <span class="verse" data-verse="12"><sup>12</sup> Forsothe Agar clepide the name of the Lord that spak to hir, Thou God that seiyest me; for sche seide, Forsothe here Y seiy the hynderere thingis of him that siy me.</span> <span class="verse" data-verse="13"><sup>13</sup> Therfor sche clepide thilke pit, the pit of hym that lyueth and seeth me; thilk pit is bitwixe Cades and Barad.</span> <span class="verse" data-verse="14"><sup>14</sup> And Agar childide a sone to Abram, which clepide his name Ismael.</span> <span class="verse" data-verse="15"><sup>15</sup> Abram was of eiyti yeere and sixe, whanne Agar childide Ysmael to hym.