Hebrews 3

¹ but Crist as a sone in his hous. Which hous we ben, if we holden sad trist and glorie of hope in to the ende. ² Wherfor as the Hooli Goost seith, To dai, if ye han herd his vois, nyle ye hardne youre hertis, ³ as in wraththing, lijk the dai of temptacioun in desert; ⁴ where youre fadris temptiden me, and preueden, and siyen my werkis fourti yeeris. ⁵ Wherfor Y was wrooth to this generacioun, and Y seide, Euere more thei erren in herte, for thei knewen not my weies; ⁶ to whiche Y swore in my wraththe, thei schulen not entre in to my reste. ⁷ Britheren, se ye, lest perauenture in ony of you be an yuel herte of vnbileue, to departe fro the lyuynge God. ⁸ But moneste you silf bi alle daies, the while to dai is named, that noon of you be hardned bi fallas of synne. ⁹ For we ben maad parceneris of Crist, if netheles we holden the bigynnyng of his substaunce sad in to the ende. ¹⁰ While it is seid, to dai, if ye han herd the vois of hym, nyle ye hardne youre hertis, as in that wraththing. ¹¹ For summen heringe wraththiden, but not alle thei that wenten out of Egipt bi Moises. ¹² But to whiche was he wraththid fourti yeeris? Whether not to hem that synneden, whos careyns weren cast doun in desert? ¹³ And to whiche swoor he, that thei schulden not entre in to the reste of hym, not but to hem that weren vnbileueful? ¹⁴ And we seen, that thei myyten not entre in to the reste of hym for vnbileue. ¹⁶ Therfor drede we, lest perauenture while the biheest of entryng in to his reste is left, that ony of vs be gessid to be awei. ¹⁷ For it is told also to vs, as to hem. And the word that was herd profitide not to hem, not meynd to feith of tho thingis that thei herden. ¹⁸ For we that han bileued, schulen entre in to reste, as he seide, As Y swoor in my wraththe, thei schulen not entre in to my reste. And whanne the werkis weren maad perfit at the ordynaunce of the world, ¹⁹ he seide thus in a place of the seuenthe dai, And God restide in the seuenthe dai from alle hise werkis.