Hebrews 8

¹ But now he hath getun a betere mynysterie, bi so myche as he is a mediatour of a betere testament, which is confermyd with betere biheestis. ² For if the ilke firste hadde lackid blame, the place of the secounde schulde not haue be souyt. ³ For he repreuynge hem seith, Lo! daies comen, seith the Lord, and Y schal make perfit a newe testament on the hous of Israel, and on the hous of Juda; ⁴ not lijk the testament that Y made to her fadris, `in the dai in which Y cauyte her hond, that Y schulde lede hem out of the loond of Egipt; for thei dwelliden not perfitli in my testament, and Y haue dispisid hem, seith the Lord. ⁵ But this is the testament, which Y schal dispose to the hous of Israel aftir tho daies, seith the Lord, in yyuynge my lawis in to the soulis of hem, and in to the hertis of hem I schal aboue write hem; and Y schal be to hem in to a God, and they schulen be to me in to a puple. ⁶ And ech man schal not teche his neiyebore, and ech man his brother, seiynge, Knowe thou the Lord; for alle men schulen knowe me, fro the lesse to the more of hem. ⁷ For Y schal be merciful to the wickidnesse of hem, and now Y schal not bithenke on the synnes of hem. ⁸ But in seiynge a newe, the formere wexide eeld; and that that is of many daies, and wexith eeld, is nyy the deeth. ¹⁰ And the former testament hadde iustefiyngis of worschip, and hooli thing duringe for a tyme. ¹¹ For the tabernacle was maad first, in which weren candilstikis, and boord, and setting forth of looues, which is seid hooli. ¹² And after the veil, the secounde tabernacle, that is seid sancta sanctorum, that is, hooli of hooli thingis; ¹³ hauynge a goldun cenrer, and the arke of the testament, keuered aboute on ech side with gold, in which was a pot of gold hauynge manna, and the yerde of Aaron that florischide, and the tablis of the testament;