Hosea 13

¹ Alle watris, that ben aboue heuenes, blesse ye the Lord; herie ye, and aboue enhaunse ye him into worldis. ² Alle the vertues of the Lord, blesse ye the Lord; herie ye, and aboue enhaunse ye hym in to worldis. ³ Sunne and moone, blesse ye the Lord; herie ye, and aboue enhaunse ye hym in to worldis. ⁴ Sterris of heuene, blesse ye the Lord; herie ye, and aboue enhaunse ye hym in to worldis. ⁵ Reyn and deew, blesse ye the Lord; herie ye, and aboue enhaunse ye hym in to worldis. ⁶ Ech spirit of God, blesse ye the Lord; herie ye, and aboue enhaunse ye hym in to worldis. ⁷ Fier and heete, blesse ye the Lord; herie ye, and aboue enhaunse ye hym in to worldis. ⁸ Coold and somer, blesse ye the Lord; herie ye, and aboue enhaunse ye hym in to worldis. ⁹ Dewis and whijt forst, blesse ye the Lord; herie ye, and aboue enhaunse ye hym in to worldis. ¹⁰ Blac forst and coold, blesse ye the Lord; herie ye, and aboue enhaunse ye hym in to worldis. ¹¹ Yces and snowis, blesse ye the Lord; herie ye, and aboue enhaunse ye hym in to worldis. ¹² Niytis and daies, blesse ye the Lord; herie ye, and aboue enhaunse ye hym in to worldis. ¹³ Liyt and derknesse, blesse ye the Lord; herie ye, and aboue enhaunse ye hym in to worldis. ¹⁴ Leitis and cloudis, blesse ye the Lord; herie ye, and aboue enhaunse ye hym in to worldis. ¹⁵ The erthe blesse the Lord; herie it, and aboue enhaunse it hym in to worldis. ¹⁶ Mounteyns and litle hillis, blesse ye the Lord; herie ye, and aboue enhaunse ye hym in to worldis.