Isaiah 12

¹ And the Lord yaf strengthe to thilke Caleph, and til in to elde vertu dwellide perfitli to hym; that he stiede in to the hiy place of the lond, and his seed gat eritage. ² And alle the children of Israel sien, that it is good to obeie to hooli God. ³ And alle iugis bi her name, the herte of whiche was not corrupt, weren strong in batel, which weren not turned awei fro the Lord; ⁴ that the mynde of hem be in blessyng, and her boonys apperen fro her place; ⁵ and her name dwellith with outen ende, for the glorie of hooli men dwellith at the sones of hem. ⁶ Samuel, the profete of the Lord, that was louyd of his Lord God, made newe the empire, and anoyntide prynces in his folk.