Isaiah 16

¹ He schewide thingis to comynge, and hid thingis, bifore that tho camen. ³ The mynde of Josie maad in the makyng of odour, is the werk of a pyment makere. ⁴ In ech mouth his mynde schal be maad swete as hony, and as musik in the feeste of wyn. ⁵ He was dressid of God in the penaunce of folk; and he took awei the abhomynaciouns of wickidnesse. ⁶ And the herte of hym gouernede to the Lord; and in the daies of synnes he strengthide pitee. ⁷ Outakun Dauid, Ezechie and Josie, alle kyngis diden synne. ⁸ For whi the kyngis of Juda leften the lawe of myyti God, and dispisiden the drede of God. ⁹ For thei yauen her rewme to othere men, and her glorie to an alien folk. ¹⁰ Thei brenten the chosun citee of hoolynesse; and thei maden the weies therof forsakun in the hond of Jeremye. ¹¹ For thei tretiden yuel hym, which from the wombe of the modir was halewid a profete, to turne vpsedoun, and to leese, and efte to bilde, and make newe. ¹² Ezechiel, that siy the siyt of glorie, which the Lord schewide to hym in the chare of cherubyn. ¹³ For he made mynde of enemyes in reyn, to do wel to hem, that schewiden riytful weies. ¹⁴ And the boonys of twelue profetis apperen fro her place; and thei strengthiden Jacob, and ayenbouyten hem in the feith of her vertu.