Isaiah 17

¹ and Jhesu, the sone of Josedech? whiche in her daies bildiden an hous, and enhaunsiden the hooli temple to the Lord, maad redi in to euerlastynge glorie. ² And Neemye in the mynde of myche tyme, that reiside to vs the wallis, `that weren cast doun, and made the yatis and lockis to stonde; which Neemye reiside oure housis. ³ No man borun in erthe was such as Enok; for whi and he was resseyued fro the erthe. ⁴ And Joseph, that was borun a man, the prince of britheren, the stidfastnesse of folk, the gouernour of britheren, the stablischyng of puple; ⁵ and his boonys weren visitid, and profesieden after deth. ⁶ Seth and Sem, these gaten glorie anentis men, and ouer ech man in the generacioun of Adam. ⁸ Symount, the sone of Onyas, was a greet preest, which in his lijf vndursettide the hous, and in hise daies strengthide the temple. ⁹ Also the hiynesse of the temple was bildide of hym, the double bildyng, and hiy wallis of the temple. ¹⁰ In the daies of hym the pittis of watris camen forth; and as the see tho weren fillid aboue mesure. ¹¹ Which Symount helide his folk, and delyuerede it fro perdicioun. ¹² Which was myyti to alarge the citee; which gat glorie in the conuersacioun of folk; and alargide the entryng of the hous, and of the large cumpas aboute. ¹³ As the dai sterre in the myddis of a cloude, and as a ful moone schyneth in hise daies; ¹⁴ and as the sunne schynynge, so he schynede in the temple of God;