Isaiah 24

¹ and a man bowide hymsilf, and a man of ful age was maad low. Therfor foryyue thou not to hem. ² Entre thou, puple of Juda, in to a stoon, be thou hid in a diche in erthe, fro the face of the drede of the Lord, and fro the glorie of his mageste. ³ The iyen of an hiy man ben maad low, and the hiynesse of men schal be bowid doun; forsothe the Lord aloone schal be enhaunsid in that dai. ⁴ For the dai of the Lord of oostis schal be on ech proud man and hiy, and on ech boostere, and he schal be maad low; ⁵ and on alle the cedres of the Liban hiye and reisid, and on alle the ookis of Baisan, ⁶ and on alle hiy munteyns, and on alle litle hillis, that ben reisid; 7 and on ech hiy tour, and on ech strong wal; 8 and on alle schippis of Tharsis, and on al thing which is fair in siyt. 9 And al the hiynesse of men schal be bowid doun, and the hiynesse of men schal be maad low; and the Lord aloone schal be reisid in that dai, 10 and idols schulen be brokun togidere outirli. 11 And thei schulen entre in to dennes of stoonys, and in to the swolewis of erthe, fro the face of the inward drede of the Lord, and fro the glorie of his maieste, whanne he schal ryse to smyte the lond. 12 In that dai a man schal caste awei the idols of his siluer, and the symylacris of his gold, whiche he hadde maad to hym silf, for to worschipe moldewarpis and backis, ether rere myis. ¹³ And he schal entre in to chynnis, ethir crasyngis, of stoonys, and in to the caues of hard roochis, fro the face of the inward drede of the Lord, and fro the glorie of his mageste, whanne he schal ryse to smyte the lond. ¹⁴ Therfor ceesse ye fro a man, whos spirit is in hise nose thirlis, for he is arettid hiy. ¹⁶ For lo! the lordli gouernour, the Lord of oostis, schal take awei fro Jerusalem and fro Juda a myyti man, and strong, and al the strengthe of breed, and al the strengthe of watir; ¹⁷ a strong man, and a man a werriour, and a domesman, and a profete, and a false dyuynour in auteris, and an elde man, ¹⁸ a prince ouer fifti men, and a worschipful man in cheer, and a counselour, and a wijs man of principal crafti men, and a prudent man of mystik, ethir goostli, speche. ¹⁹ And Y schal yyue children the princes of hem, and men of wymmens condiciouns schulen be lordis of hem. ²⁰ And the puple schal falle doun, a man to a man, ech man to his neiybore; a child schal make noyse ayens an eld man, and an vnnoble man ayens a noble man. ²¹ For a man schal take his brother, the meneal of his fadir, and schal seie, A clooth is to thee, be thou oure prince; forsothe this fallyng be vndur thin hond. ²² And he schal answere in that dai, and seie, Y am no leche, and nether breed, nether cloth is in myn hous; nyle ye make me prince of the puple. ²³ For whi Jerusalem felle doun, and Juda felle doun togidere; for the tunge of hem, and the fyndingis of hem weren ayens the Lord, for to terre to wraththe the iyen of his mageste.