Isaiah 25

¹ Seie ye to the iust man, that it schal be to hym wel; for he schal ete the fruyt of hise fyndyngis. ² Wo to the wickid man in to yuel; for whi the yeldyng of hise hondis schal be maad to hym. ³ The wrongful axeris of my puple robbiden it, and wymmen weren lordis therof. Mi puple, thei that seien thee blessid, disseyuen thee, and distrien the weie of thi steppis. ⁴ The Lord stondith for to deme, and `the Lord stondith for to deme puplis; ⁵ the Lord schal come to doom, with the eldere men of his puple, and with hise princes; for ye han wastid my vyner, and the raueyn of a pore man is in youre hous. ⁶ Whi al to-breken ye my puple, and grynden togidere the faces of pore men? seith the Lord God of oostis. ⁷ And the Lord God seide, For that that the douytris of Syon weren reisid, and yeden with a necke stretchid forth, and yeden bi signes of iyen, and flappiden with hondis, and yeden, and with her feet yeden in wel araied goyng, ⁸ the Lord schal make ballyd the nol of the douytris of Sion, and the Lord schal make nakid the heer of hem. ⁹ In that dai the Lord schal take awei the ournement of schoon, and goldun litle bellis lijk the moone, ¹⁰ and ribans, and brochis, and ournementis of armes nyy the schuldris, and mytris, ether chapelettis, ¹¹ and coombis, and ournementis of armes niy the hondis, and goldun ourenementis lijk laumpreis, and litil vessels of oynementis, ¹² and eere ryngis, and ryngis, and preciouse stoonys hangynge in the forheed,