Isaiah 39
Isaiah chapter 39 from the John Wycliffe Bible (c.1395)
1 And watir of the see schal wexe drie, and the flood schal be desolat, and schal be dried. 2 And the floodis schulen faile, and the strondis of the feeldis schulen be maad thynne, and schulen be dried; a rehed and spier schal fade. 3 The botme of watir schal be maad nakid, and stremys fro her welle; and the moiste place of al seed schal be dried, schal waxe drie, and schal not be. 4 And fischeris schulen morne, and alle that casten hook in to the flood, schulen weile; and thei that spreden abrood a net on the face of watris, schulen fade. 5 Thei schulen be schent, that wrouyten flex, foldynge and ordeynynge sutil thingis. 6 And the watir places therof schulen be drye; alle that maden poondis to take fischis, schulen be schent. 7 The fonned princes of Tafnys, the wise counselouris of Farao, yauen vnwise counsel; hou schulen ye seie to Farao, Y am the sone of wise men, the sone of elde kyngis? 8 Where ben now thi wise men? Telle thei to thee, and schewe thei, what the Lord of oostis thouyte on Egipt.
