Isaiah 51

¹ For whi aftir daies and a yeer, and ye that tristen schulen be disturblid; for whi vyndage is endid, gaderyng schal no more come. ² Ye riche wymmen, be astonyed; ye that tristen, be disturblid; vnclothe ye you, and be ye aschamed; ³ girde youre leendis; weile ye on brestis, on desirable cuntrei, on the plenteuouse vyner. ⁴ Thornes and breris schulen stie on the erthe of my puple; hou myche more on alle the housis of ioie of the citee makynge ful out ioie? ⁵ For whi the hous is left, the multitude of the citee is forsakun; derknessis and gropyng ben maad on dennes, til in to with outen ende. The ioie of wield assis is the lesewe of flockis; 6 til the spirit be sched out on us fro an hiy, and the desert schal be in to Chermel, and Chermel schal be arettid in to a forest. 7 And doom schal dwelle in wildirnesse, and riytfulnesse schal sitte in Chermel; 8 and the werk of riytfulnesse schal be pees, and the tilthe of riytfulnesse schal be stilnesse and sikirnesse, til in to with outen ende. ⁹ And my puple schal sitte in the fairnesse of pees, and in the tabernaclis of trist, and in riche reste. ¹⁰ But hail schal be in the coming doun of the foreste, and bi lownesse the citee schal be maad low. ¹¹ Blessid ben ye, that sowen on alle watris, and putten yn the foot of an oxe and of an asse. ¹³ Wo to thee, that robbest; whether and thou schalt not be robbid? and that dispisist, whether and thou schalt not be dispisid? Whanne thou hast endid robbyng, thou schalt be robbid; and whanne thou maad weri ceessist to dispise, thou schalt be dispisid. ¹⁴ Lord, haue thou merci on vs, for we abiden thee; be thou oure arm in the morewtid, and oure helthe in the tyme of tribulacioun. ¹⁵ Puplis fledden fro the vois of the aungel; hethene men ben scaterid of thin enhaunsyng. ¹⁶ And youre spuylis schulen be gaderid togidere, as a bruke is gaderid togidere, as whanne dichis ben ful therof. ¹⁷ The Lord is magnefied, for he dwellide an hiy, he fillid Sion with doom and riytfulnesse. ¹⁸ And feith schal be in thi tymes; the ritchessis of helthe is wisdom and kunnynge; the drede of the Lord, thilke is the tresour of hym. ¹⁹ Lo! seeris withoutenforth schulen crye, aungels of pees schulen wepe bittirli. ²⁰ Weies ben distried, a goere bi the path ceesside; the couenaunt is maad voide, he castide doun citees, he arettide not men. ²¹ The lond morenyde, and was sijk; the Liban was schent, and was foul; and Saron is maad as desert, and Basan is schakun, and Carmele. ²² Now Y schal ryse, seith the Lord, now I schal be enhaunsid, and now I schal be reisid vp. ²³ Ye schulen conseyue heete, ye schulen brynge forth stobil; youre spirit as fier schal deuoure you.