Job 10

¹ Whi is liyt youun to a man, whos weie is hid, and God hath cumpassid hym with derknessis? ² Bifore that Y ete, Y siyhe; and as of watir flowynge, so is my roryng. ³ For the drede, which Y dredde, cam to me; and that, that Y schamede, bifelde. ⁴ Whether Y dissymilide not? whether Y was not stille? whether Y restide not? and indignacioun cometh on me. ⁶ Forsothe Eliphat Themanytes answeride, and seide, ⁷ If we bigynnen to speke to thee, in hap thou schalt take it heuyli; but who may holde a word conseyued? ⁸ Lo! thou hast tauyt ful many men, and thou hast strengthid hondis maad feynt. ⁹ Thi wordis confermyden men doutynge, and thou coumfortidist knees tremblynge. ¹⁰ But now a wounde is comun on thee, and thou hast failid; it touchide thee, and thou art disturblid. ¹¹ Where is thi drede, thi strengthe, and thi pacience, and the perfeccioun of thi weies? ¹² Y biseche thee, haue thou mynde, what innocent man perischide euere, ethir whanne riytful men weren doon awei? ¹³ Certis rathir Y siy hem, that worchen wickidnesse, and sowen sorewis, ¹⁴ and repen tho, to haue perischid bi God blowynge, and to be wastid bi the spirit of his ire. ¹⁵ The roryng of a lioun, and the vois of a lionesse, and the teeth of whelpis of liouns ben al to-brokun. 16 Tigris perischide, for sche hadde not prey; and the whelpis of a lioun ben distried. 17 Certis an hid word was seid to me, and myn eere took as theueli the veynes of priuy noise therof. 18 In the hidousnesse of nyytis siyt, whanne heuy sleep is wont to occupie men, ¹⁹ drede and tremblyng helde me; and alle my boonys weren aferd. ²⁰ And whanne the spirit yede in my presence, the heiris of my fleisch hadden hidousnesse. ²¹ Oon stood, whos chere Y knewe not, an ymage bifor myn iyen; and Y herde a vois as of softe wynd. ²² Whether a man schal be maad iust in comparisoun of God? ethir whethir a man schal be clennere than his Makere?