Job 11

¹ Hou myche more thei that dwellen in housis of cley, that han an ertheli foundement, schulen be wastyd as of a mouyte. ² Fro morewtid til to euentid thei schulen be kit doun; and for no man vndurstondith, thei schulen perische with outen ende. ³ Sotheli thei, that ben residue, schulen be takun awei; thei schulen die, and not in wisdom. ⁵ Therfor clepe thou, if ony is that schal answere thee, and turne thou to summe of seyntis. 6 Wrathfulnesse sleeth a fonned man, and enuye sleeth a litil child. ⁷ Y siy a fool with stidefast rote, and Y curside his feirnesse anoon. ⁸ Hise sones schulen be maad fer fro helthe, and thei schulen be defoulid in the yate, and noon schal be that schal delyuere hem. 9 Whos ripe corn an hungri man schal ete, and an armed man schal rauysche hym, and thei, that thirsten, schulen drynke hise richessis. 10 No thing is doon in erthe with out cause, and sorewe schal not go out of the erthe. 11 A man is borun to labour, and a brid to fliyt. 12 Wherfor Y schal biseche the Lord, and Y schal sette my speche to my God. 13 That makith grete thingis, and that moun not be souyt out, and wondurful thingis with out noumbre. 14 Which yyueth reyn on the face of erthe, and moistith alle thingis with watris. 15 Which settith meke men an hiy, and reisith with helthe hem that morenen. 16 Which distrieth the thouytis of yuel willid men, that her hondis moun not fille tho thingis that thei bigunnen. 17 Which takith cautelouse men in the felnesse of hem, and distrieth the counsel of schrewis. ¹⁸ Bi dai thei schulen renne in to derknessis, and as in nyyt so thei schulen grope in myddai. ¹⁹ Certis God schal make saaf a nedi man fro the swerd of her mouth, and a pore man fro the hond of the violent, `ethir rauynour. ²⁰ And hope schal be to a nedi man, but wickidnesse schal drawe togidere his mouth.