Job 13

¹ Snow schal come on hem, that dreden frost. ² In the tyme wherynne thei ben scaterid, thei schulen perische; and as thei ben hoote, thei schulen be vnknyt fro her place. ³ The pathis of her steppis ben wlappid; thei schulen go in veyn, and schulen perische. ⁴ Biholde ye the pathis of Theman, and the weies of Saba; and abide ye a litil. ⁵ Thei ben schent, for Y hopide; and thei camen til to me, and thei ben hilid with schame. 6 Now ye ben comun, and now ye seen my wounde, and dreden. 7 Whether Y seide, Brynge ye to me, and yiue ye of youre catel to me? ethir, 8 Delyuere ye me fro the hond of enemy, and rauysche ye me fro the hond of stronge men? 9 Teche ye me, and Y schal be stille; and if in hap Y vnknew ony thing, teche ye me. 10 Whi han ye depraued the wordis of trewthe? sithen noon is of you, that may repreue me. 11 Ye maken redi spechis oneli for to blame, and ye bryngen forth wordis in to wynde. 12 Ye fallen in on a fadirles child, and enforsen to peruerte youre frend. 13 Netheles fille ye that, that ye han bigunne; yyue ye the eere, and se ye, whether Y lie. 14 Y biseche, answere ye with out strijf, and speke ye, and deme ye that, that is iust. 15 And ye schulen not fynde wickidnesse in my tunge, nethir foli schal sowne in my chekis. 17 Knyythod is lijf of man on erthe, and his daies ben as the daies of an hired man. 18 As an hert desireth schadowe, and as an hirede man abideth the ende of his werk; 19 so and Y hadde voide monethis, and Y noumbrede trauailous niytes to me. 20 If Y schal slepe, Y schal seie, Whanne schal Y rise? and eft Y schal abide the euentid, and Y schal be fillid with sorewis til to derknessis. ²¹ Mi fleisch is clothid with rot, and filthis of dust; my skyn driede vp, and is drawun togidere. ²² My daies passiden swiftliere thanne a web is kit doun of a webstere; and tho daies ben wastid with outen ony hope. 23 God, haue thou mynde, for my lijf is wynde, and myn iye schal not turne ayen, that it se goodis. 24 Nethir the siyt of man schal biholde me; but thin iyen ben in me, and Y schal not be in deedli lijf. ²⁵ As a cloude is wastid, and passith, so he that goith doun to helle, schal not stie; ²⁶ nether schal turne ayen more in to his hows, and his place schal no more knowe hym. ²⁷ Wherfor and Y schal not spare my mouth; Y schal speke in the tribulacioun of my spirit, Y schal talke togidere with the bitternesse of my soule. ²⁸ Whether Y am the see, ethir a whal, for thou hast cumpassid me with prisoun?