Job 15

¹ He schal leene, ether reste, on his hows, and it schal not stonde; he schal vndursette it, and it schal not rise togidere. 2 The rusche semeth moist, bifor that the sunne come; and in the risyng of the sunne the seed therof schal go out. 3 Rootis therof schulen be maad thicke on an heep of stoonys, and it schal dwelle among stoonys. 4 If a man drawith it out of his place, his place schal denye it, and schal seie, Y knowe thee not. ⁵ For this is the gladnesse of his weie, that eft othere ruschis springe out of the erthe. ⁶ Forsothe God schal not caste a wei a symple man, nethir schal dresse hond to wickid men; ⁷ til thi mouth be fillid with leiytir, and thi lippis with hertli song. ⁸ Thei that haten thee schulen be clothid with schenschip; and the tabernacle of wickid men schal not stonde. ¹⁰ Joob answeride, and seide, Verili Y woot, that it is so, ¹¹ and that a man comparisound to God schal not be maad iust. ¹² If he wole stryue with God, he may not answere to God oon for a thousynde. ¹³ He is wiys in herte, and strong in myyt; who ayenstood hym, and hadde pees? ¹⁴ Which bar hillis fro o place to anothir, and thei wisten not; whiche he distriede in his strong veniaunce. ¹⁵ Which stirith the erthe fro his place, and the pilers therof schulen be schakun togidere. 16 Which comaundith to the sunne, and it risith not; and he closith the sterris, as vndur a signet. 17 Which aloone stretchith forth heuenes, and goith on the wawis of the see. 18 Which makith Ariture, and Orionas, and Hiadas, that is, seuene sterris, and the innere thingis of the south. ¹⁹ Which makith grete thingis, and that moun not be souyt out, and wondurful thingis, of whiche is noon noumbre. ²⁰ If he cometh to me, that is, bi his grace, Y schal not se hym; if he goith awey, that is, in withdrawynge his grace, Y schal not vndurstonde. ²¹ If he axith sodeynli, who schal answere to hym? ethir who may seie to hym, Whi doist thou so? ²² God is he, whos wraththe no man may withstonde; and vndur whom thei ben bowid, that beren the world. 23 Hou greet am Y, that Y answere to hym, and speke bi my wordis with hym? 24 Which also schal not answere, thouy Y haue ony thing iust; but Y schal biseche my iuge. 25 And whanne he hath herd me inwardli clepynge, Y bileue not, that he hath herd my vois. 26 For in a whirlewynd he schal al to-breke me, and he schal multiplie my woundis, yhe, without cause. 27 He grauntith not, that my spirit haue reste, and he fillith me with bittirnesses. 28 If strengthe is souyt, he is moost strong; if equyte of doom is souyt, no man dar yelde witnessynge for me. ²⁹ If Y wole make me iust, my mouth schal dampne me; if Y schal schewe me innocent, he schal preue me a schrewe. ³⁰ Yhe, thouy Y am symple, my soule schal not knowe this same thing; and it schal anoye me of my lijf. ³¹ O thing is, which Y spak, he schal waste `bi deth also the innocent and wickid man. ³² If he betith, sle he onys, and leiye he not of the peynes of innocent men. ³³ The erthe is youun in to the hondis of the wickid; he hilith the face of iugis; that if he is not, who therfor is? ³⁴ Mi daies weren swiftere than a corour; thei fledden, and sien not good. ³⁵ Thei passiden as schippis berynge applis, as an egle fleynge to mete.