Job 2

¹ and Ephermesta, and Arisai, and Aridai, and Vaizatha. ² And whanne the Jewis hadden slayn hem, thei nolden take preies of the catels of hem. ³ And anoon the noumbre of hem, that weren slayn in Susa, was teld to the kyng. ⁴ Which seide to the queen, Jewis han slayn fyue hundrid men in the citee of Susa, and othere ten sones of Aaman; hou grete sleyng gessist thou, that thei haunten in alle prouynces? what axist thou more? and what wolt thou, that Y comaunde to be doon? ⁵ To whom sche answeride, If it plesith the kyng, power be youun to the Jewis, that as thei han do to dai in Susa, so do thei also to morewe, and that the ten sones of Aaman be hangid vp in iebatis. ⁶ And the kyng comaundide, that it schulde be doon so; and anoon the comaundement hangide in Susa, and the ten sones of Aaman weren hangid. ⁷ Therfor whanne the Jewis weren gaderid togidere, in the fourtenthe dai of the monethe Adar, thre hundrid men weren slayn in Susa, and the Jewis token not awei the catel of tho men. ⁸ But also bi alle the prouynces, that weren suget to the lordschip of the kyng, Jewis stoden for her lyues, whanne her enemyes and pursueris weren slayn, in so myche, that fyue and seuenti thousynde of slayn men weren fillid, and no man touchide ony thing of the catelis of hem.</span> <span class="verse" data-verse="9"><sup>9</sup> Forsothe the thrittenthe dai of the monethe Adar was o dai of sleyng at alle Jewis, and in the fourtenthe dai thei ceessiden to sle; which thei ordeyneden to be solempne, that therynne in ech tyme aftirward thei schulden yyue tent to metis, to ioye, and to feestis.</span> <span class="verse" data-verse="10"><sup>10</sup> And thei, that hauntiden sleyng in the citee of Susa, lyueden in sleyng in the thrittenthe and fourtenthe dai of the same monethe. But in the fiftenthe dai thei ceessiden to sle; and therfor thei ordeyneden the same dai solempne of feestis and of gladnesse. ¹¹ Forsothe these Jewis, that dwelliden in borow townes not wallid and vilagis, demeden the fourtenthe dai of the monethe Adar of feestis, and of ioie, so that thei be ioiful therynne, and sende ech to other partis of feestis and of metis. ¹² Therfor Mardochee wroot alle these thingis, and sente these thingis comprehendid bi lettris to the Jewis, that dwelliden in alle prouynces of the kyng, as wel to Jewis set nyy as fer, ¹³ that thei schulden resseyue the fourtenthe and the fiftenthe dai of the monethe Adar for feestis, and euer whanne the yeer turneth ayen, thei schulden halowe with solempne onour;