Job 29

¹ Thei schulen be as chaffis bifor the face of the wynd; and as a deed sparcle, whiche the whirlewynd scaterith abrood. ² God schal kepe the sorewe of the fadir to hise sones; and whanne he hath yoldun, thanne he schal wite. ³ Hise iyen schulen se her sleyng; and he schal drynke of the stronge veniaunce of Almyyti God. ⁴ For whi what perteyneth it to hym of his hows aftir hym, thouy the noumbre of his monethis be half takun awey? ⁵ Whether ony man schal teche God kunnyng, which demeth hem that ben hiye? ⁶ This yuel man dieth strong and hool, riche and blesful, that is, myrie. 7 Hise entrails ben ful of fatnesse; and hise boonys ben moistid with merowis. 8 Sotheli anothir wickid man dieth in the bittirnesse of his soule, and with outen ony richessis. 9 And netheles thei schulen slepe togidere in dust, and wormes schulen hile hem. 10 Certis Y knowe youre wickid thouytis, and sentensis ayens me. 11 For ye seien, Where is the hows of the prince? and where ben the tabernaclis of wickid men? 12 Axe ye ech of the weie goeris; and ye schulen knowe, that he vndurstondith these same thingis, ¹³ that an yuel man schal be kept in to the dai of perdicioun, and schal be led to the dai of woodnesse. ¹⁴ Who schal repreue hise weies bifor hym? and who schal yelde to hym tho thingis, whiche he hath doon? ¹⁵ He schal be led to the sepulcris; and he schal wake in the heep of deed men. ¹⁶ He was swete to the stoonys, ether filthis, of helle; and drawith ech man aftir hym, and vnnoumbrable men bifor him. 17 Hou therfor coumforten ye me in veyn, sithen youre answeris ben schewid to repugne to treuthe? ¹⁹ Forsothe Eliphat Themanytes answeride, and seide, ²⁰ Whether a man, yhe, whanne he is of perfit kunnyng, mai be comparisound to God? ²¹ What profitith it to God, if thou art iust? ethir what schalt thou yyue to hym, if thi lijf is without wem? ²² Whether he schal drede, and schal repreue thee, and schal come with thee in to doom, ²³ and not for thi ful myche malice, and thi wickidnessis with out noumbre, `these peynes bifelden iustli to thee? ²⁴ For thou hast take awei with out cause the wed of thi britheren; and hast spuylid nakid men of clothis. ²⁵ Thou yauest not watir to the feynt man; and thou withdrowist breed fro the hungri man.