Job 33

¹ For what is the hope of an ypocrite, if he rauyschith gredili, and God delyuerith not his soule? ² Whether God schal here the cry of hym, whanne angwisch schal come on hym? ³ ether whether he may delite in Almyyti God, and inwardli clepe God in al tyme? ⁴ Y schal teche you bi the hond of God, what thingis Almyyti God hath; and Y schal not hide. ⁵ Lo! alle ye knowen, and what speken ye veyn thingis with out cause? ⁶ This is the part of a wickid man anentis God, and the eritage of violent men, ether rauenours, whiche thei schulen take of Almyyti God. ⁷ If hise children ben multiplied, thei schulen be slayn in swerd; and hise sones sones schulen not be fillid with breed. ⁸ Thei, that ben residue of hym, schulen be biried in perischyng; and the widewis of hym schulen not wepe. ⁹ If he gaderith togidere siluer as erthe, and makith redi clothis as cley; ¹⁰ sotheli he made redi, but a iust man schal be clothid in tho, and an innocent man schal departe the siluer. ¹¹ As a mouyte he hath bildid his hous, and as a kepere he made a schadewyng place. ¹² A riche man, whanne he schal die, schal bere no thing with hym; he schal opene hise iyen, and he schal fynde no thing. ¹³ Pouert as water schal take hym; and tempeste schal oppresse hym in the nyyt. ¹⁴ Brennynge wynd schal take hym, and schal do awei; and as a whirlewynd it schal rauysche hym fro his place. ¹⁵ He schal sende out turmentis on hym, and schal not spare; he fleynge schal fle fro his hond. 16 He schal streyne hise hondis on him, and he schal hisse on hym, and schal biholde his place. 18 Siluer hath bigynnyngis of his veynes; and a place is to gold, in which it is wellid togidere. 19 Irun is takun fro erthe, and a stoon resolued, ethir meltid, bi heete, is turned in to money. ²⁰ God hath set tyme to derknessis, and he biholdith the ende of alle thingis. ²¹ Also a stronde departith a stoon of derknesse, and the schadewe of deth, fro the puple goynge in pilgrymage; it departith tho hillis, whiche the foot of a nedi man foryat, and hillis with out weie. ²² The erthe, wher of breed cam forth in his place, is destried bi fier. ²³ The place of saphir ben stoonys therof, and the clottis therof ben gold. ²⁴ A brid knewe not the weie, and the iye of a vultur, ethir rauenouse brid, bihelde it not. ²⁵ The sones of marchauntis tretiden not on it, and a lyonesse passide not therbi. ²⁶ God stretchide forth his hond to a flynt; he distriede hillis fro the rootis. ²⁷ He hewide doun ryuers in stoonys; and his iye siy al precious thing. ²⁸ And he souyte out the depthis of floodis; and he brouyte forth hid thingis in to liyt. ²⁹ But where is wisdom foundun, and which is the place of vndurstondyng? ³⁰ A man noot the prijs therof, nether it is foundun in the lond of men lyuynge swetli, `ether delicatli. ³¹ The depthe of watris seith, It is not in me; and the see spekith, It is not with me. ³² Gold ful cleene schal not be youun for wisdom, nether siluer schal be weied in the chaungyng therof. ³³ It schal not be comparysound to the died colours of Iynde, not to the moost preciouse stoon of sardius, nether to saphir.