Job 37

¹ if hise sidis blessiden not me, and was not maad hoot of the fleeces of my scheep; ² if Y reiside myn hond on a fadirles child, yhe, whanne Y siy me the hiyere in the yate; ³ my schuldre falle fro his ioynt, and myn arm with hise boonys be al to-brokun. ⁴ For euere Y dredde God, as wawis wexynge gret on me; and `Y myyte not bere his birthun. ⁵ If Y gesside gold my strengthe, and if Y seide to purid gold, Thou art my trist; ⁶ if Y was glad on my many ritchessis, and for myn hond foond ful many thingis; ⁷ if Y siy the sunne, whanne it schynede, and the moone goynge clereli; ⁸ and if myn herte was glad in priuyte, and if Y kisside myn hond with my mouth; ⁹ which is the moost wickidnesse, and deniyng ayens hiyeste God; ¹⁰ if Y hadde ioye at the fallyng of hym, that hatide me, and if Y ioide fulli, that yuel hadde founde hym; ¹¹ for Y yaf not my throte to do synne, that Y schulde asaile and curse his soule; ¹² if the men of my tabernacle seiden not, Who yyueth, that we be fillid of hise fleischis? a pilgryme dwellide not with outforth; ¹³ my dore was opyn to a weiegoere; ¹⁴ if Y as man hidde my synne, and helide my wickidnesse in my bosum; ¹⁵ if Y dredde at ful greet multitude, and if dispisyng of neyyboris made me aferd; and not more Y was stille, and yede not out of the dore; ¹⁶ who yyueth an helpere to me, that Almyyti God here my desire? that he that demeth, ¹⁷ write a book, that Y bere it in my schuldre, and cumpasse it as a coroun to me? ¹⁸ Bi alle my degrees Y schal pronounce it, and Y schal as offre it to the prynce. ¹⁹ If my lond crieth ayens me, and hise forewis wepen with it; ²⁰ if Y eet fruytis therof with out money, and Y turmentide the soule of erthetileris of it; ²¹ a brere growe to me for wheete, and a thorn for barli. ²³ Forsothe these thre men leften of to answere Joob, for he semyde a iust man to hem. ²⁴ And Helyu, the sone of Barachel Buzites, of the kynrede of Ram, was wrooth, and hadde indignacioun; forsothe he was wrooth ayens Joob, for he seide hym silf to be iust bifor God.