Jonah 2

¹ He is blessid, that abideth, and cometh fulli, til a thousynde daies thre hundrid and fyue and thritti. ² But go thou, Danyel, to the tyme determyned; and thou schalt reste, and stonde in thi part, in the ende of daies. ⁴ A man was in Babiloyne, and his name was Joachim. ⁵ And he took a wijf, Susanne bi name, the douyter of Helchie, a womman ful fair, and dredynge the Lord. ⁶ Forsothe hir fadir and modir, whanne thei weren riytful, tauyten her douyter bi the lawe of Moises. ⁷ Sotheli Joachim was ful riche, and he hadde a gardyn niy his hous; and the Jewis camen to hym, for he was the moost worschipful of alle. ⁸ And tweyne elde men weren ordeyned iugis in that yeer, of whiche the Lord spak, that wickidnesse yede out of Babiloyne, of the eldere iugis that semeden to gouerne the puple. ⁹ These iugis vsiden oft the hous of Joachym; and alle men that hadden domes camen to hem. ¹⁰ Forsothe whanne the puple hadde turned ayen after myddai, Susanne entride, and walkide in the gardyn of hir hosebonde.