Jonah 4

¹ the doris of the gardyn ben closid, and no man seeth vs, and we ben in the coueitise of thee. Wherfor assente thou to vs, and be thou meddlid with vs. 2 That if thou wolt not, we schulen seie witnessyng ayens thee, that a yong man was with thee, and for this cause thou sentist out the damesels fro thee. 3 And Susanne inwardli sorewide, and seide, Angwischis ben to me on ech side; for if Y do this, deth is to me; forsothe if Y do not, Y schal not ascape youre hondis. 4 But it is betere for me to falle in to youre hondis without werk, than to do synne in the siyt of the Lord. 5 And Susanne criede an hiy with greet vois, but also the elde men crieden ayens hir. ⁶ Forsothe oon ran, and openede the door of the gardyn. ⁷ Sotheli whanne the seruauntis of the hous hadden herd the cry in the gardyn, thei fellen in bi the posterne, to se what it was. ⁸ But after that the elde men spaken, the seruauntis weren aschamed greetly, for neuer was siche a word seid of Susanne. And the morew dai was maad. ⁹ And whanne the puple was comyn to Joachym, hir hosebonde, also the twei prestis fulle of wickid thouyte camen ayens Susanne, for to sle hir. ¹⁰ And thei seiden bifor al the puple, Sende ye to Susanne, the douyter of Helchie, the wijf of Joachym. And anoon thei senten. ¹¹ And sche cam with hir fadir, and modir, and children, and alle kynesmen.