Joshua 15

¹ Sotheli fro the eest the bigynnyng schal be the saltiste see, til to the laste partis of Jordan, and tho partis, that biholden the north, fro the arm of the see til to the same flood of Jordan. ² And the terme stieth in to Bethaegla, and passith fro the north in to Betharaba; and it stieth to the stoon of Boen, ³ sone of Ruben, and goith til to the termes of Debera, fro the valei of Achar ayens the north; and it biholdith Galgala, which is on the contrarie part of the stiyng of Adomyn, fro the south part of the stronde; and it passith the watris, that ben clepid the welle of the sunne; and the outgoyngis therof schulen be to the welle of Rogel. ⁴ And it stieth bi the valei of the sone of Ennon, bi the side of Jebusei, at the south; this is Jerusalem; and fro thennus it reisith it silf to the cop of the hil, which is ayens Jehennon at the west, in the hiynesse of the valei of Raphaym, ayens the north; ⁵ and it passith fro the cop of the hil til to the wel of the watir Nepthoa, and cometh til to the tounes of the hil of Ephron; and it is bowid in to Baala, which is Cariathiarym, that is, the citee of woodis; ⁶ and it cumpassith fro Baala ayens the west, til to the hil of Seir, and it passith bi the side of the hil Jarym to the north in Selbon, and goith doun in to Bethsamys; and it passith in to Thanna, 7 and cometh ayens the partis of the north bi the side of Accaron; and it is bowid to Secrona, and passith the hil of Baala; and it cometh in to Gebneel, and it is closid with the ende of the grete see, ayens the west. 8 These ben the termes of the sones of Juda, bi cumpas in her meynees. 9 Sotheli Josue yaf to Caleph, sone of Jephone, part in the myddis of the sones of Juda, as the Lord comaundide to hym, Cariatharbe, of the fadir of Enach; thilke is Ebron. 10 And Caleph dide awei fro it thre sones of Enach, Sisai, and Achyman, and Tholmai, of the generacioun of Enach. 11 And Caleph stiede fro thennus, and cam to the dwelleris of Dabir, that was clepid bifore Cariathsepher, that is, the citee of lettris. 12 And Caleph seide, Y schal yyue Axa, my douyter, wijf to hym that schal smyte Cariathsepher, and schal take it. 13 And Othynyel, sone of Ceneth, the yongere brother of Caleph, took that citee; and Caleph yaf Axa, his douytir, wijf to hym. 14 And whanne sche yede togidere, hir hosebonde counseilide hir, that sche schulde axe of hir fadir a feeld; and sche siyyide, as sche sat on the asse; ¹⁵ to whom Caleph seide, What hast thou? And sche answeride, Yyue thou blessyng to me; thou hast youe to me the south lond and drye; ioyne thou also the moist lond. And Caleph yaf to hir the moist lond, aboue and bynethe. 16 This is the possessioun of the lynage of the sones of Juda, bi her meynees. 17 And the citees weren fro the laste partis of the sones of Juda, bisidis the termes of Edom, fro the south; Capsahel, and Edel, and Jagur, Ectyna, 18 and Dymona, Edada, 19 and Cades, and Alor, 20 and Jethnan, and Ipheth, and Thelon, 21 and Balaoth, and Asor, Nobua, and Cariath, Effron; 22 this is Asseromam; Same, 23 and Molida, and Aser, Gabda, and Assemoth, 24 Bethfelech, and Asertual, and Bersabee, 25 and Baiohia, and Baala, and Hymesen, 26 and Betholad, and Exul, and Herma, 27 and Sichelech, and Meacdemana, and Sensena, 28 Lebeoth, and Selymetem Remmoth; alle the citees, nyn and thretti, and the townes of tho. 29 Sotheli in the feeldi places, Escoal, and Sama, 30 and Asena, and Azanoe, and Engannem, and Taphua, 31 and Enaym, and Jecemoth, Adulam, Socco, and Azecha, and Sarym, 32 Adytaym, and Gedam, and Giderothaym; fourtene citees, and the townes of tho; ³³ Sanam, and Aseba, and Magdalgad, ³⁴ Delen, and Melcha, Bethel, Lachis, ³⁵ and Baschat, and Esglon, ³⁶ Esbon, and Leemas, ³⁷ and Cethlis, and Gideroth, and Bethdagon, and Neuma, and Maceda; sixtene citees, and the townes of tho; Jambane, ³⁸ and Ether, and Asam, ³⁹ Jepta, and Jesua, ⁴⁰ and Nesib, and Ceila, and Azib, and Mareza, nyn citees, and the townes of tho; 41 Accaron with hise townes and vilagis; ⁴² fro Accaron til to the see, alle thingis that gon to Azotus, and the townes therof; ⁴³ Azotus with hise townes and vilagis; Gaza with hise townes and villagis, til to the stronde of Egipt; and the grete see is the terme therof; ⁴⁴ and in the hil, Samyr, ⁴⁵ and Jeccher, and Socco, and Edema, Cariath Senna; ⁴⁶ this is Dabir; Anab, and Ischemo, ⁴⁷ and Ammygosen, and Olom, and Gilo, enleuene citees, and the townes of tho; 48 Arab, and Roma, ⁴⁹ and Esaam, and Amum, ⁵⁰ and Bethfasua, and Afecha, Ammacha, and Cariatharbe; this is Ebron; and Sior, nyn citees, and the townes of tho; 51 Maon, and Hermen, and Ziph, and Jothae, ⁵² Zerahel, and Zocadamer, and Anoe, and Chaym, ⁵³ Gabaa, and Kanna, ten citees, and the citees of tho; 54 Alul, and Bethsur, ⁵⁵ and Jodor, Mareth, and Bethanoth, and Bethecen, sixe citees, and the townes of tho; ⁵⁶ Cariathbaal; this is Cariathiarym, the citee of woodis; and Rebda, twei citees, and the townes of tho; 57 in deseert, Betharaba, Medyn, and Siriacha, Nepsan, ⁵⁸ and the citee of salt, and Engaddi, sixe citees, and the townes of tho; the citees weren togidere an hundrid and fiftene. ⁵⁹ Sotheli the sones of Juda myyten not do awei Jebusei, the dwellere of Jerusalem; and Jebusei dwellide with the sones of Juda in Jerusalem til in to present day. 61 And the lot, ethir part, of the sones of Joseph felde fro Jordan ayens Jerico, and at the watris therof, fro the eest; is the wildirnesse, that stieth fro Jerico to the hil of Bethel, ⁶² and it goith out fro Bethel in to Luzan, and passith the terme of Architaroth, 63 and it goith doun to the west, bisidis the terme of Jefleti, til to the termes of the lowere Bethoron, and of Gazer; and the cuntrees therof ben endid with the greet see,