Judges 12

¹ thei axiden hym, Seie thou therfor Sebolech, whiche is interpretid, an eer of corn. Which answeride, Thebolech, and myyte not brynge forth an eer of corn bi the same lettre. And anoon thei strangeliden hym takun in thilke passyng of Jordan; and two and fourti thousynde of Effraym felden doun in that tyme. ² And so Jepte, a man of Galaad, demyde Israel sixe yeer; and he was deed, and biried in his citee Galaad. ³ Abethsan of Bethleem, that hadde thretti sones, and so many douytris, demyde Israel aftir Jepte; ⁴ whiche douytris he sente out, and yaf to hosebondis, and he took wyues to hise sones of the same noumbre, and brouyte in to hys hows; which demyde Israel seuene yeer; ⁵ and he was deed, and biried in Bethleem. 6 Whos successour was Hailon of Zabulon; and he demyde Israel ten yeer; 7 and he was deed, and biried in Zabulon. 8 Aftir hym Abdon, the sone of Ellel, of Pharaton, demyde Israel; 9 which Abdon hadde fourti sones, and of hem thretti sones, stiynge on seuenti coltis of femal assis, that is, mulis, and he demyde Israel eiyte yeer; ¹⁰ and he was deed, and biried in Pharaton, in the loond of Effraym, in the hil of Amalech. 12 And eft the sones of Israel diden yuel in the siyt of the Lord, which bitook hem in to the hondis of Filisteis fourti yeer. ¹³ Forsothe a man was of Saraa, and of the kynrede of Dan, Manue bi name, and he hadde a bareyn wijf. 14 To which wijf an aungel of the Lord apperide, and seide to hir, Thou art bareyn, and with out fre children; but thou schalt conseyue, and schalt bere a sone. ¹⁵ Therfor be thou war, lest thou drynke wyn, and sydur, nethir ete thou ony vnclene thing;